বকোঃ আজিৰে পৰা আৰম্ভ হৈছে অসম বিধানসভাৰ শৰতকালীন অধিৱেশন। শৰতকালীন অধিৱেশনত অসম-মেঘালয় সীমা সমস্যাৰ বিতৰ্কিত অঞ্চলবোৰৰ ভিতৰত এটা অঞ্চল লাম্পিৰ বিষয়ে উত্থাপন কৰিব কংগ্ৰেছে।

অসম কংগ্ৰেছৰ সভাপতি ৰাণা গোস্বামী আৰু বকোৰ বিধায়িকা নন্দিতা দাসৰ সৈতে কংগ্ৰেছৰ কেইবাগৰাকীও নেতাই অসম-মেঘালয় সীমান্তৰ লাম্পি অঞ্চল পৰিদৰ্শন কৰি জনসাধাৰণৰ বুজ লয়।

কংগ্ৰেছী বিধায়ক তথা অসম বিধানসভাৰ বিৰোধী দলৰ নেতা দেৱব্ৰত শইকীয়াই কয় যে আমি বিধানসভা অধিৱেশনত লাম্পি অঞ্চলটোৰ বিষয়টো উত্থাপন কৰিম। আমি জনসাধাৰণক প্ৰতিনিধিত্ব কৰিম। লাম্পিবাসীয়ে মেঘালয়ৰ সৈতে থাকিব নিবিচাৰে। সীমান্ত বিবাদ সমাধানৰ বাবে এটা সাংবিধানিক নিয়ম আছে। পঞ্জাৱ, হাৰিয়ানা আৰু তামিলনাডু,কৰ্ণাটকৰ মাজত সীমা বিবাদ আছে। কিন্তু তেওঁলোকৰ কোনেও আমাৰ মুখ্যমন্ত্ৰী হিমন্ত বিশ্ব শৰ্মাৰ দৰে এই বিবাদটো নিষ্পত্তি কৰিব নিবিচাৰে। 

দেৱব্ৰত শইকীয়াই কয়,” সীমা সমস্যাক লৈ প্ৰতিবাদ প্ৰতিবাদ সকলোতে হৈছিল। আনকি শাসকীয় দলৰ বিধায়ক ড০ অমিয় কুমাৰ ভূঞা আৰু সাংসদ তপন কুমাৰ গগৈয়েও ইয়াৰ বিৰুদ্ধে প্ৰতিবাদ কৰিছিল। মুখ্যমন্ত্ৰী হিমন্ত বিশ্ব শৰ্মাৰ নেতৃত্বত আমাৰ সীমান্ত সুৰক্ষিত নহয়। দুয়োখন ৰাজ্যৰ মাজৰ সীমা সমস্যআ ১৯৭১ চনত নিষ্পত্তি কৰা হৈছিল। ১৯৮৫ চনত লাম্পিৰ ওপৰত মেঘালয়ৰ দাবী চন্দ্ৰচূড় আয়োগে নাকচ কৰে। সেয়েহে, পুনৰ নিষ্পত্তিৰ কোনো প্ৰশ্নই নাই।”

অসম কংগ্ৰেছৰ কাৰ্যকৰী সভাপতি ৰাণা গোস্বামীয়ে কয়, “আমি অঞ্চলটো পৰিদৰ্শন কৰিছিলো আৰু অঞ্চলবাসীৰ সৈতে বাৰ্তালাপ কৰিছিলো। তেওঁলোকে মেঘালয়ৰ সৈতে থাকিবলৈ সাজু নহয়। তেওঁলোকে অসমৰ সৈতে থাকিবলৈ সিদ্ধান্ত লৈছে।”

ৰাইজে ইয়াৰ পৰিস্থিতিক লৈ ভয় কৰে। অসম চৰকাৰে সাংবিধানিক নিয়ম অনুসৰণ নকৰাকৈ বিবাদটো নিষ্পত্তি কৰিবলৈ চেষ্টা কৰি আছে বুলিও ৰাণা গোস্বামীয়ে উল্লেখ কৰে।

লাম্পি হৈছে অসম-মেঘালয় সীমা সমস্যাৰ বিতৰ্কিত অঞ্চলবোৰৰ ভিতৰত এটা অঞ্চল। দুয়োখন ৰাজ্যই অৰ্ধ শতিকাৰো অধিক সময় ধৰি গাওঁখনৰ মালিকীস্বত্ব দাবী কৰি আহিছে। 

যেতিয়া ব্ৰিটিছে অসম অধিগ্ৰহণ কৰিছিল এই গাওঁখন প্ৰশাসনিক উদ্দেশ্যৰ বাবে কামৰূপ জিলাৰ সৈতে একত্ৰিত কৰা হৈছিল। কিন্তু ভাৰতে স্বাধীনতা লাভ কৰাৰ পিছত ১৯৭২ চনত মেঘালয় অসমৰ পৰা পৃথক হোৱাৰ পিছত গাওঁখনক পশ্চিম গাৰো পাহাৰ জিলাৰ লগত সংযুক্ত কৰা হৈছিল।

লাম্পিক লৈ এই সংঘৰ্ষ ১৯৭৪ চনৰ পৰা আৰম্ভ হৈছিল যেতিয়া মেঘালয় আৰক্ষীয়ে গোৰ্খা সম্প্ৰদায়ৰ লোকসকলক তেওঁলোকৰ বাসগৃহ আৰু চৰণীয়া ভূমিৰ পৰা বলপূৰ্বক উচ্ছেদ কৰিছিল। গোৰ্খাসকলৰ অধিকাংশই পশুপালনৰ লগত জড়িত আছিল। ইয়াৰ পিছতে ন্যায়ৰ বাবে তেওঁলোক অসম আৰক্ষীৰ কাষ চাপিছিল। 

২০১০ চনৰ ১৪ মে’ৰ পিছত নেপালী, খাচী আৰু গাৰো সম্প্ৰদায়ৰ মাজত সংঘৰ্ষ আৰম্ভ হোৱাৰ পিছত পৰিস্থিতি অধিক অৱনতি ঘটিছিল। অসম আৰক্ষীয়ে লোকসকলৰ ওপৰত গুলীচালনা কৰিছিল, য’ত চাৰিজন খাচী লোক নিহত হৈছিল আৰু কমেও ১৮ জন আহত হৈছিল। 

কেন্দ্ৰীয় চৰকাৰে ইতিমধ্যে কেইবাটাও পৰামৰ্শৰ জৰিয়তে বিবাদটো সমাধান কৰিবলৈ চেষ্টা কৰিছে যদিও কোনো সমাধান হোৱা নাই। ২০১৬ চনৰ পৰা এই বিষয়টো বাৰে বাৰে অসম বিধানসভাত উত্থাপন কৰা হৈছে, কিন্তু দুয়োখন ৰাজ্যই এতিয়ালৈকে ইয়াক সমাধান কৰাত ব্যৰ্থ হৈছে।

Subscribe to EastMojo Assam

Enter your email address to receive notifications of new stories by email.

Join 6,479 other subscribers

Leave a comment

Leave a Reply Cancel reply