নিউজ ডেস্কঃ উত্তৰখণ্ডৰ গৰুড়চট্টীত সংঘটিত হৈছে ভয়ংকৰ দুৰ্ঘটনা। কেদাৰনাথলৈ তীৰ্থ যাত্ৰীক কঢ়িয়াই নিয়া এখন হেলিকপ্টাৰ দুৰ্ঘটনাত পতিত হৈছে।
জানিব পৰা মতে, এই হেলিকপ্টাৰ দুৰ্ঘটনাত প্ৰাণ হেৰুৱাইছে এজন পায়লট আৰু ৬ গৰাকী তীৰ্থযাত্ৰীয়ে। ৰাষ্ট্ৰীয় সংবাদমাধ্যমৰ খবৰ অনুসৰি, ঘন কুঁৱলীৰ বাবে সংঘটিত হয় এই দুৰ্ঘটনা।
ইফালে, দুৰ্ঘটনাৰ পাছতে টুইট কৰিছে প্ৰধানমন্ত্ৰী নৰেন্দ্ৰ মোডীয়ে। তেওঁ টুইটাৰত লিখিছে- ‘উত্তৰাখণ্ডত সংঘটিত হেলিকপ্টাৰ দুৰ্ঘটনা অতি দুখবৰ। শোকসন্তপ্ত পৰিয়ালৰ প্ৰতি মোৰ সমবেদনা।’
আনহাতে, মন্ত্ৰী জ্যোতিৰাদিত্য চিণ্ডিয়াও টুইট কৰি লিখিছে- ‘কেদাৰনাথত সংঘটিত হেলিকপ্টাৰ দুৰ্ঘটনা অত্যন্ত দুৰ্ভাগ্যজনক। আমি সমগ্ৰ পৰিস্থিতি নিৰন্তৰ নিৰীক্ষণ কৰি আছো।’