মাৰ্ঘেৰিটাঃ পুনৰ ৰাজ্যত সংঘটিত হৈছে ভয়ংকৰ ঘটনা। এইবাৰ উদণ্ড যুৱকে চলালে প্ৰেমিকাক হত্যাৰ অপচেষ্টা। যোৱা নিশা সংঘটিত হৈছে এই চাঞ্চল্যকৰ ঘটনাটো ৷
মাৰ্ঘেৰিটাৰ ষ্টেচন পাৰাৰ আকাশ দত্ত নামৰ যুৱকজনে দাৰে ঘপিয়াই গুৰুতৰভাৱে আঘাত কৰে প্ৰেমিকা প্ৰিয়ংকাক৷ ডিঙি আৰু মূৰত যথেষ্ট আঘাত পাইছে যুৱতী গৰাকীয়ে ৷ জানিব পৰা মতে, বৰ্তমান যুৱতী গৰাকীৰ অৱস্থা সংকটজনক ৷
ডিব্ৰুগড় চিকিৎসা মহাবিদ্যালয়ত মৃত্যুৰে যুঁজিছে প্ৰেমিকা ৷ প্ৰেমিক আকাশ দত্ত এজন ড্ৰাগছ আসক্ত যুৱক আছিল। আৰু পূৰ্বেও আক্ৰমণ কৰিছিল প্ৰেমিকাক। ইফালে ঘটনা সংঘটিত কৰি পলায়ন কৰে প্ৰেমিক আকাশ দত্ত ।
উল্লেখ যে যুৱক জন পূৰ্বে ড্ৰাগছ সৰবৰাহৰ কৰাৰ অপৰাধত জেললৈ গৈছিল। যুৱক জনৰ ঘৰ মাৰ্ঘেৰিটা দিহিং চাহ বাগিছাৰ সমীপৱৰ্তী।