নিউজ ডেস্কঃ কোৰোনাৰ পৰা সুৰক্ষা পাবলৈ চৰকাৰে প্ৰদান কৰা বিনামূলীয়া ভেকচিনৰ পৰা বিভিন্ন পাৰ্শ্বক্ৰিয়া হোৱা ভয়ংকৰ তথ্য আৰটিআইত প্ৰকাশ পাইছে। পুনেৰ ব্যৱসায়ী প্ৰফুল্ল চাৰ্দাৰৰ দ্বাৰা দাখিল কৰা এক আৰটিআইৰ প্ৰশ্নৰ উত্তৰত কেন্দ্ৰৰ দুটা স্বাস্থ্য বিভাগৰ নিয়ামক সংস্থা ভাৰতীয় চিকিৎসা গৱেষণা পৰিষদ (আইচিএমআৰ) আৰু কেন্দ্ৰীয় ঔষধ মানক নিয়ন্ত্ৰণ সংস্থাই (চিডিএছচিঅ’) এই কথা স্বীকাৰ কৰিছে। 

কেন্দ্ৰীয় চৰকাৰে কোভিড ভাইৰাছৰ বিৰুদ্ধে যুঁজিবলৈ ৬টা টীকাৰ অনুমতি দিছিল। ইয়াৰ ভিতৰত অন্তৰ্ভুক্ত আছে ‘এষ্ট্ৰজেনেকা’, চিৰাম ইনষ্টিটিউট অৱ ইণ্ডিয়া পুনেৰ ‘কভিশ্বিল্ড’, এছআইআইৰ ‘কভোভাক্স’, ভাৰত চৰকাৰৰ দ্বাৰা পৰিচালিত ভাৰত বায়োটেক লিমিটেডৰ ‘কভাক্সিন’,  জৈৱিক ই লিমিটেডৰ ‘কোৰবাভাক্স’ আৰু ৰাছিয়াৰ ‘স্পুটনিক ভি’ আৰু পিছত ১২ পৰা ১৭ বছৰ শিশুৰ বাবে  কেডিলা হেল্থকেয়াৰ লিমিটেডৰ ‘জাইকভ-ডি’ জৰুৰীকালীন ব্যৱহাৰৰ অনুমতি দিয়া হৈছিল, যদিও ভাৰতৰ বেছিভাগ লোকক কভিশ্বিল্ড আৰু কভাক্সিন প্ৰদান কৰা হৈছে।

প্ৰফুল্ল চাৰ্দাৰ দ্বাৰা দাখিল কৰা আৰটিআইৰ প্ৰশ্নৰ উত্তৰত, আইচিএমআৰ পিআইঅ’ ডঃ লিয়ানা চুজান জৰ্জ আৰু চিডিএছচিঅ’এছ পিআইঅ’ সুশান্ত সৰকাৰে ভেকছিনটোৰ বহুতো পাৰ্শ্বক্ৰিয়াৰ বিষয়ে তথ্য প্ৰদান কৰিছে।

উল্লেখ্য যে, এই কভোভাক্সৰ পাৰ্শ্বক্ৰিয়াবোৰ হৈছে- বেজী দিয়া স্থানৰ বিষ, ভাগৰ লগা,  মুৰৰ বিষ, জ্বৰ, পেশীৰ বিষ, গাঁঠিৰ বিষ, বমি, ঠাণ্ডা লগা, শৰীৰৰ বিষ বা হাত-ভৰিৰ অত্যাধিক বিষ, দুৰ্বলতা অভাৱ, বেজী দিয়া স্থান খজুৱতি, পিঠিৰ বিষ আদি। (আইএএনএছ-ৰ প্ৰতিবেদন)

কভাক্সিন, স্পুটনিক ভি, কৰ্বিভেক্স পাৰ্শ্বক্ৰিয়াবোৰ হৈছে ক্ৰমে- কভাক্সিনে মৃদু লক্ষণ যেনে বেজী দিয়া স্থানৰ বিষ/ফুলা, মুৰৰ বিষ, ভাগৰ, জ্বৰ, শৰীৰৰ বিষ, পেটৰ বিষ, ওকালি অহা, বমি, মূৰ ঘূৰোৱা, কম্পন, ঘমা, চৰ্দি আৰু কাহ আদি প্ৰদৰ্শন কৰে।

স্পুটনিক ভিত  ঠাণ্ডা, জ্বৰ, আৰ্থ্ৰালজিয়া, মায়েলজিয়া, এস্থেনিয়া, মুৰৰ বিষ, সাধাৰণ অসুবিধা, বেজী দিয়া স্থানৰ বিষ/ফুলা/হাইপাৰএমিয়া, বা ওকালি অহা, ডিচপেপচিয়া, ভোক নোহোৱা পাৰ্শ্বক্ৰিয়া দেখা গৈছে।

কৰ্বিভেক্সে পৰা জ্বৰ-পাইৰেক্সিয়া, মুৰৰ বিষ, ভাগৰ, শৰীৰৰ বিষ, মায়েলজিয়া, ওকালি অহা, বা আৰ্থ্ৰালজিয়া, আৰ্টিকেৰিয়া, ঠাণ্ডা, অলসতা, বেজী দিয়া স্থানৰ বিষ/এৰিথেমা, ফুলা, চোকোৰা, প্ৰুৰাইটিছ বা জ্বলা-পোৰাৰ দৰে প্ৰভাৱ দেখুৱায়।

বৰ্তমানৰ লৈকে ভাৰতত ২২০ কোটিতকৈ অধিক লোকে ভেকছিন গ্ৰহণ কৰা তথ্য স্বাস্থ্য আৰু পৰিয়াল কল্যাণ মন্ত্ৰালয়ৰ অফিচিয়েল ৱেবচাইটত উল্লেখ আছে। কোটি কোটি মানুহে ভেকচিন লোৱাৰ পিছতো চৰকাৰে বৰ্তমানলৈ মুখ নোখালোটো এটা চিন্তা কাৰণ হৈ পৰিছে। 

চৰকাৰে ভেকচিন গ্ৰহণৰ বাবে যিমান জোৰ দিছিল সেই অনুপাতে কিন্তু বৰ্তমানৰ লৈকে এনেবোৰ পাৰ্শ্বক্ৰিয়াৰ কথা নিজেই প্ৰকাশ কৰা নাই আৰু মানুহক সতৰ্কবাণীও প্ৰদান নকৰাত মানুহৰ মাজত এতিয়া প্ৰতিক্ৰিয়া দেখা গৈছে।

Subscribe to EastMojo Assam

Enter your email address to receive notifications of new stories by email.

Join 6,735 other subscribers

Leave a comment

Leave a Reply Cancel reply