নিউজ ডেস্কঃ চাহপ্ৰেমী সকলৰ বাবে এক সু-খবৰ! এতিয়া ঘৰতে বহি ২৪ কেৰেট সোণেৰে তৈয়াৰী চাহত চুমুক দিব পাৰিব। ডুবাইত সোণেৰে তৈয়াৰী চাহৰ কথা হয়তো বহুতে শুনিছে, কিন্তু সোণৰ চাহ খাবলৈ বিদেশলৈ যোৱাৰ এতিয়া প্ৰয়োজন নাই। আমাৰ দেশতে উপলব্ধ হ’ব সোণৰ চাহ। অসমৰ চাহ ব্যৱসায়ী ৰঞ্জিত বৰুৱাই লৈ আহিছে ২৪ কেৰেট সোণৰ চাহ, যাৰ মূল্য প্ৰতি কেজি ২.৫ লাখ টকা। এই চাহত মাত্ৰ এটা চুমুক দিলেই আপুনি সম্পূৰ্ণ বেলেগ কিবা এটা অনুভৱ কৰিব পাৰিব।

এই চাহবিধৰ নাম হৈছে ‘স্বৰ্ণ পানাম’। এই চাহ বিশেষভাৱে তৈয়াৰ কৰা হৈছে। ‘স্বৰ্ণ পানাম’ বা ‘গোল্ডেন টি’ হৈছে ভাৰতৰ প্ৰথম চাহ য’ত বিশুদ্ধ, খাব পৰা সোণৰ ফ্লেক থাকে। ইয়াত খোৱাৰ উপযোগী ২৪ কেৰেট সোণৰ মিহি পাহি আছে। এই বিশেষ তৈয়াৰ কৰিছে ৰঞ্জিত বৰুৱাই। চাহ ব্যৱসায়ত তেওঁ অসমৰ লগতে বিদেশতো সুপৰিচিত। এই বিৰল ক’লা চাহত মৌ, গুৰ, ক’ক’ মিহলি কৰা হৈছে।

স্বৰ্ণ পানাম চাহ ১০০ গ্ৰামৰ দাম ২৫ হাজাৰ টকা অৰ্থাৎ ১০০ গ্ৰামৰ এটা পাউচ ২৫ হাজাৰ টকাত বিক্ৰী হয়। প্ৰতি কেজিত ইয়াৰ দাম ২.৫ লাখ টকা। বৰুৱাৰ এৰোমেটিকাই অহা ২১ মে’ত আন্তঃৰাষ্ট্ৰীয় চাহ দিৱসত মুকলি কৰিছে এই বিশেষ চাহ।

এৰোমিকা চাহৰ সঞ্চালক ৰঞ্জিত বৰুৱাই কয়, “এই কাপ চাহৰ আছে এক সুকীয়া সোৱাদ আৰু খোৱা ২৪ কেৰেটৰ সোণে এক সুকীয়া অভিজ্ঞতা প্ৰদান কৰিব। চাহৰ সোৱাদ আৰু মানদণ্ড অতি ভাল আৰু ই আপোনাক নিশ্চিতভাৱে এক বিশেষ ভাৱে অনুভৱ কৰাব।” তেওঁ লগতে কয়, “আমি ফ্ৰান্সৰ পৰা সোণৰ পাহি আনি ব্ৰেণ্ডটোৰ বাবে উন্নত মানৰ পৰম্পৰাগত চাহ প্ৰস্তুত কৰিছো। আমি চাহ আৰু সোণৰ অপেশাদাৰী গ্ৰাহকক লক্ষ্য কৰি লৈছো। আনকি এই চাহবিধ মুকলি কৰাৰ পূৰ্বেও আমি ১২টা অৰ্ডাৰ পাইছিলোঁ।অতি সোনকালে আমি ইয়াৰ ৰপ্তানি আৰম্ভ কৰিম।”

বৰ্তমান ‘এৰোমিকা টি’ৰ ৪৭ বিধতকৈও অধিক চাহ আছে। শেহতীয়াকৈ ৰঞ্জিত বৰুৱাই ইউক্ৰেইনৰ ৰাষ্ট্ৰপতি ভল’ডিমিৰ জেলেনস্কিৰ নামেৰে চিটিচি চাহ মুকলি কৰি শিৰোনাম দখল কৰিছিল। ৰাছিয়াৰ আক্ৰমণৰ বিৰুদ্ধে জেলেনস্কিৰ সাহস আৰু সাহসক সন্মান জনাই বজাৰত তেওঁৰ নামত চাহ মুকলি কৰিছিল।

Subscribe to EastMojo Assam

Enter your email address to receive notifications of new stories by email.

Join 6,588 other subscribers

Leave a comment

Leave a Reply Cancel reply