কেনি দেউৰী বসুমতাৰীৰ নতুন ছবি ‘কি কোৱা দোস্তি’য়ে বৃহস্পতিবাৰে বেলতলাৰ মেট্রিক্স চিনেমাত অনুষ্ঠিত হোৱা প্ৰিমিয়াৰৰত এক অভূতপূর্ব সঁহাৰি লাভ কৰে। অহা ২৮ এপ্রিল শুক্রবাৰে সমগ্ৰ অসমত মুক্তি পাবলৈ সাজু হোৱা কি কোৱা দোস্তি হৈছে ভাড়াঘৰত একেলগে বাস কৰা সাতজন বন্ধুৱে জীৱন বাটৰ উঠা-নমাৰ মাজেৰে আগবাঢ়ি যোৱাৰ এক হৃদয়স্পর্শী যাত্রা। কাৰোবাৰ প্ৰেমত মচগুল হোৱাৰ পৰা আৰম্ভ কৰি অবাঞ্ছিত অতিথি আৰু অত্যাধিক মানুহৰ সৈতে একেটা কোঠা ভগাই লোৱালৈকে, এজন অত্যাচাৰী ফিটনেছ প্রশিক্ষক, সুৰাপায়ী “বন্ধু”, চুৰি কৰা বাইক আৰু বহুতো কাহিনীৰে সৈতে চিনেমাখনে জীৱনৰ প্ৰতিটো মুহূৰ্ততে পৰস্পৰৰ প্ৰতি বিশ্বাসী হৈ থকা তিনিজনী ছোৱালী, তিনিজন লৰাৰ লগতে এজন নতুন লৰাৰ এখন জীৱনমুখী যুদ্ধ প্ৰদৰ্শন কৰা হৈছে।
ছবিখনত চাজু আহমেদ, কৌশিক নাথ, দীপজ্যোতি দত্ত, যতীন দাস, ৰূপত্ৰী ফুকন, শ্রুতি হুছেইন, ৰিমি দেউৰী, অর্ঘদীপ বৰুৱা, কাচবী শৰ্মা আৰু জাভেদ আখটাৰকে ধৰি প্ৰায়ভাগ নতুন মুখৰ শিল্পীয়ে অভিনয় কৰিছে।
কি কোৱা দোস্তিৰ প্ৰিমিয়াৰত সৃষ্টি হোৱা হাঁহি আৰু উৎসাহজনক পৰিৱেশৰ প্ৰতি লক্ষ্য ৰাখি চিনেমাখন হিট হ’ব বুলি আশা কৰাটো কোনো আচৰিত কথা নহয়। ইতিমধ্যে লোকেল কুংফু ১ আৰু ২, লোকেল উৎপাত আৰু ছাস্পেণ্ডট ইন্সপেক্টৰ বড়ো পৰিচালনা কৰা কেনী বসুমটাৰীৰ এক উল্লেখযোগ্য ট্ৰেক ৰেকৰ্ড আছে।
‘কি কোৱা দোস্তি’ৰ আঁৰৰ অনুপ্ৰেৰণা সম্পৰ্কে সোধাত কেনিয়ে কয়, “মই সৃষ্টি কৰিব বিচাৰিছিলো ফ্ৰেণ্ডজৰ দৰে কিবা এটা, যাক যিকোনো খণ্ডৰ পৰা আমি যিকোনো সময়তে চাব পাৰোঁ, আমি ভাল পোৱা এখন পৃথিবী, এটা বন্ধুৰ গোট যিটো আমি সদায়েই বিচাৰি থাকো। আমি কি কোৱা দোস্তিক এটা শৃংখলা হিচাপে দৃশ্যগ্ৰহণ কৰিছিলো, কিন্তু দৃশ্যগ্ৰহণৰ সময়ত আমি ইমান হাঁহিছিলো যে চিনেমা হলত দৰ্শকৰ সৈতে একেলগে হাঁহিব নোৱাৰিম যেন অনুভৱ হৈছিল। অৱশ্যে মানুহৰ আনন্দময় হাঁহিৰ শব্দ শুনাটোৱেই মোৰ প্ৰিয় অনুভৱ। সেয়েহে আমি আগবাঢ়ি গৈ ইয়াৰ পৰাই এখন চিনেমা নিৰ্মাণ কৰিলোঁ।”
চলচ্চিত্ৰখনত বিভূতি ভূষণ নাৰায়ণ, ৰুবুল বড়ো, ড০ জয়ন্ত দাস, গায়ত্ৰী শৰ্মা, নিৰুপম ডেকা, যেচাত্ৰী ভূঞা, বেদথ বৰাহ আৰু কেনি ডিবি ফিল্মহৰ বিভাষ সিনহা, উৎকল হাজোৱাৰী তথা টনি ডিবিকে ধৰি যথেষ্টসংখ্যক অতিথি অভিনেতায়ো অভিনয় কৰিছে। প্ৰতিগৰাকী অভিনেতাই প্ৰশংসনীয় প্ৰদৰ্শনৰ জৰিয়তে কাহিনীটো অধিক গভীৰ আৰু মনোগ্ৰাহী কৰি তুলিছে।
‘কি কোৱা দোস্তি’ দৰ্শকৰ মাজত হাঁহিৰ খোৰাক জগাব পৰা এখন প্ৰতিশ্ৰুতিপূর্ণ মনোৰঞ্জনমূলক চলচ্চিত্র। উজ্জ্বল প্রতিভাশালী কলাকুশলীৰ এটি দলৰ সৈতে কেনিয়ে এনে এখন পৃথিবী সৃষ্টি কৰিছে যাক দশকে ভাল পাব আৰু চৌপাশৰ চিনাকী পৃথিৱীখনৰ সৈতে ৰিজাব পাৰিব।
২৮ এপ্রিলত ছবিগৃহত ‘কি কোৱা দোস্তিৰ যাদুকৰী স্থান অনুভৱ কৰিবলৈ আপুনিও সাজু হওক।