নিউজ ডেস্ক: কংগ্ৰেছৰ বিধায়ক তথা অসম কেবিনেটৰ বিৰোধী দলপতি দেৱব্ৰত শইকীয়াই আজি এ আই ইউ ডি এফৰ মূৰব্বী আৰু লোকসভা সাংসদ বদৰুদ্দিন আজমলে “মহিলাৰ বিৰুদ্ধে কৰা অসংবিধানিক আৰু অশালীন মন্তব্যৰ” বিৰোধিতা কৰি” শিৱসাগৰ জিলাৰ শিমলগুৰি আৰক্ষী থানাত এখন এজাহাৰ দাখিল কৰে।

“আজি, মোৰ তৰফৰ পৰা সাংসদ আৰু AIUDF ৰ প্ৰধান মৌলানা বদৰুদ্দিন আজমল ডাঙৰীয়াই, মহিলাৰ বিৰুদ্ধে কৰা অসংবিধানিক আৰু অশালীন মন্তব্যৰ বিৰোধিতা কৰি আমাৰ নাজিৰা সমষ্টিৰ অন্তৰ্গত শিমলুগুৰি আৰক্ষী থানাত এখনি অভিযোগ পত্র দাখিল কৰোঁ,” এক ফে’চবুক প’ষ্টত শইকীয়াই কয়।

এজাহাৰত শইকীয়াই আজমলৰ বিৰুদ্ধে ভাৰতীয় দণ্ডবিধিৰ ধাৰা ১৫৩, ১৫৩ (এ) আৰু ৫০৯-ৰ অধীনত গোচৰ ৰুজু কৰিবলৈ আৰক্ষীক অনুৰোধ জনায়।

ইয়াৰ পূৰ্বে শনিবাৰে তৃণমূল কংগ্ৰেছ আৰু অসম জাতীয় পৰিষদে ক্ৰমে গুৱাহাটী আৰু হাইলাকান্দিত এ আই ডি ইউ এফৰ নেতাগৰাকীৰ বিৰুদ্ধে “সাম্প্ৰদায়িক” আৰু “নাৰী-বিৰোধী” মন্তব্য কৰাৰ বিৰোধিতা কৰি এজাহাৰ দাখিল কৰিছিল।

উল্লেখযোগ্য যে বদৰুদ্দিন আজমলে অলপতে সংবাদ মাধ্যমৰ আগত হিন্দুসকলক মুছলমানৰ দৰে অধিক সন্তান  জন্ম দিবৰ বাবে কম বয়সত বিয়া পাতিবলৈ পৰামৰ্শ দি আপত্তিজনক মন্তব্য কৰিছিল। উক্ত মন্তব্যই ৰাজ্যত ব্যাপক প্ৰতিক্ৰিয়াৰ সৃষ্টি কৰাত শনিবাৰে নিজৰ মন্তব্য উঠাই লোৱাৰ লগতে অসমৰ ৰাইজৰ ওচৰত ক্ষমা বিচাৰে।

লগতে পঢ়ক – মাৰ্ঘেৰিটাত কয়লা সৰবৰাহী ট্ৰাকৰ খুন্দাত পথচাৰীৰ মৃত্যু 

Subscribe to EastMojo Assam

Enter your email address to receive notifications of new stories by email.

Join 6,741 other subscribers

Leave a comment

Leave a Reply Cancel reply