নিউজ ডেস্কঃ মণিপুৰৰ পুমাই নগা জনজাতিৰ লোকসকলে বাস কৰা অঞ্চলসমূহক ‘ড্ৰাগছ মুক্ত অঞ্চল’ হিচাপে ঘোষণা কৰা হৈছে। ৰাজ্যখনৰ চৰকাৰৰ ‘ড্ৰাগছৰ বিৰুদ্ধে যুদ্ধ’ প্ৰচেষ্টাক সমৰ্থন কৰি এই অঞ্চলসমূহক ঘোষণা কৰা হৈছে ড্ৰাগছমুক্ত হিচাপে।
এক সমীক্ষা অনুসৰি, যোৱা ২৮ এপ্ৰিলত পুমাই সাধাৰণ সংস্থাৰ সভাৰ সময়ত এই প্ৰভাৱ আৰু এগিন্সট পপী খেতিৰ এক সমাধান কৰা হৈছিল। লক্ষণীয় যে, সংস্থাটোৰ এনে সিদ্ধান্তক সমগ্ৰ জনজাতিটোৰ লোকে সমৰ্থন জনাইছে।
শনিবাৰে কাৰোং এচিৰ বিধায়ক জে কুমো শ্বাৰ নেতৃত্বত পুমাই জনজাতিৰ এটা প্ৰতিনিধি দলে মুখ্যমন্ত্ৰী এন বীৰেন সিঙক সাক্ষাৎ কৰে আৰু পুমাই অঞ্চলসমূহক ‘ড্ৰাগমুক্ত’ অঞ্চল হিচাপে ঘোষণা কৰা জনজাতিটোৰ এটা প্ৰস্তাৱ দাখিল কৰে।
ইফালে, মণিপুৰৰ মুখ্যমন্ত্ৰীয়ে এই প্ৰস্তাৱ আৰু ঘোষণাৰ বাবে পুমাও জনজাতিক প্ৰশংসা কৰে আৰু লগতে কয় যে- ই যথেষ্ট উৎসাহজনক আৰু লগতে ড্ৰাগছৰ বিৰুদ্ধে চৰকাৰৰ যুদ্ধৰ সমৰ্থন কৰে। “এয়া সঁচাকৈয়ে এক ঐতিহাসিক মুহূৰ্ত,” বুলিও কয় মুখ্যমন্ত্ৰীগৰাকীয়ে।