গুৱাহাটী– পুনৰ আন্তঃৰাষ্ট্ৰীয় পৰ্যায়ত জিলিকিল অসমীয়া ছবি। ৰাষ্ট্ৰীয় বঁটাপ্ৰাপ্ত নুৰুল চুলতানৰ দ্বাৰা প্ৰযোজিত আৰু বিশ্বজিৎ বৰাৰ দ্বাৰা পৰিচালিত “বেলকনিত ভগৱান ” নামৰ চিনেমাখনে ‘২৬তম কলকাতা আন্ত:ৰাষ্ট্ৰীয় চলচ্চিত্ৰ মহোৎসৱত’ ত শ্ৰেষ্ঠ পৰিচালকৰ বঁটা লাভ কৰে। এই কথাছবিৰে জৰিয়তে ‘শ্ৰেষ্ঠ পৰিচালক’ৰ ‘ ‘গ’ল্ডেন ৰয়েল বেংগল টাইগাৰ’ বঁটা আজুৰি আনিবলৈ সক্ষম হ’ল অসম সন্তান বিশ্বজিৎ বৰাই।এই খবৰে অসমীয়া চলচ্চিত্ৰ ক্ষেত্ৰলৈ সুখৰ জোৱাৰ কঢ়িয়াই আনিছে।
যোৱা ৮ জানুৱাৰীৰ পৰা ১৫ জানুৱাৰীলৈ অনুষ্ঠিত হৈছিল এই মহোৎসৱ। এই মহোৎসৱত দেশ-বিদেশৰ ১৮৩খন চলচ্চিত্ৰ প্ৰদৰ্শিত হয়। ‘বেলকনিত ভগৱান’ নামৰ এই চলচ্চিত্ৰ খনে ইতিমধ্যে ২৫সংখ্যক কেৰেলা আন্তৰ্জাতিক চলচ্চিত্ৰ মহোৎসৱ ”ইণ্ডিয়ান চিনেমা নাও” প্ৰতিযোগিতাৰ বাবেও আমন্ত্ৰিত হৈছে। অহা ১০ফেব্ৰুৱাৰীৰ পৰা আৰম্ভ হৈ ৫ মাৰ্চলৈকে অনুষ্ঠিত হ’ব এই মহোৎসৱ। ১৬জানুৱাৰীৰ পৰা আৰম্ভ হোৱা ১৯ সংখ্যক ঢাকা আন্তৰ্জাতিক চলচ্চিত্ৰ মহোৎসৱতো প্ৰদৰ্শিত হ’ব এই চলচ্চিত্ৰখন।