মাৰ্ঘেৰিটা– বিগত কেইবামাহো ধৰি বন্ধ হৈ থকা উত্তৰ-পূৱ কয়লাক্ষেত্ৰ মাৰ্ঘেৰিটা পুনৰ খোলাৰ দাবীত বুধবাৰে পুনৰ সৰৱ হৈ পৰিল পুৰ্বোত্তৰ খাদান মজদুৰ সংঘৰ কৰ্মচাৰীৰ লগতে এঘাৰটাকৈ জাতীয় সংগঠন।
উত্তৰ-পূৱ কয়লাক্ষেত্ৰ মাৰ্ঘেৰিটাৰ মূখ্য কাৰ্যালয়ৰ সন্মূখত এক তিনিঘন্টীয়া অৱস্থান ধৰ্মঘট কাৰ্যসূচী ৰূপায়ণ কৰি শীঘ্ৰে উত্তৰ-পূৱ কয়লাক্ষেত্ৰ মাৰ্ঘেৰিটা খোলাৰ দাবী জনায়।
শ্ৰমিক সংগঠন ভাৰতীয় মজদুৰ সংঘৰ লগতে গোৰ্খা ছাত্ৰ সন্থাইও উক্ত অৱস্থান ধৰ্মঘট কাৰ্যসূচীত সহযোগ আগবঢ়াই। বন বিভাগৰ একাংশ বিষয়াৰ লগতে উত্তৰ-পূৱ কয়লাক্ষেত্ৰৰ মেনেজমেণ্টৰ হেমাহীৰ বাবেই কেন্দ্ৰীয় চৰকাৰৰ অধীনস্থ উদ্যোগ প্ৰতিষ্ঠানটো বন্ধ হৈ থকা বুলি অভিযোগ তুলি অনতিপলমে কাৰ্যক্ষম কৰাৰ দাবী উত্থাপন কৰিছে প্ৰতিষ্ঠানটোৰ অধীনস্থ শ্ৰমিক সংগঠন সমূহে।