গোলাঘাটত ভয়ংকৰ অগ্নিকাণ্ড

গোলাঘাট– গোলাঘাট নগৰৰ মাজমজিয়াত দেওবাৰে নিশা প্ৰায় ১০বাজি ৩০মিনিটত ভয়ংকৰ অগ্নিকাণ্ড সংঘটিত হয়। নগৰ খনৰ পুৰনি জিলা কাৰাগাৰ পথত থকা পাচলি বজাৰৰ ওপৰ মহলাত থকা কাপোৰৰ গুডামত অগ্নিকাণ্ড সূত্ৰপাত ঘটে । অগ্নিকাণ্ডৰ ফলত কেইবাটাও কাপোৰৰ গুডাম জ্বলি সম্পূৰ্ণ ৰূপে ভস্মীভূত হয় ।

অগ্নিকাণ্ডটোৰ ফলত কাপোৰ গুডামসমূহত মজুত থকা লক্ষ লক্ষ টকা মূল্যৰ কাপোৰ জ্বলি ভস্মীভূত হয় । উল্লেখযোগ্য গোলাঘাট পৌৰসভাৰ অধীনৰ পাচলি বজাৰৰ সন্মুখত দৈনিক ফুটপাটত বহা কাপোৰৰ বজাৰ খনৰ অধিকাংশ কাপোৰৰ গুডাম পাচলি বজাৰখনৰ ওপৰ মহলাত আছিল |

ফেমেলি ৰেষ্টুৰেন্ট নামৰ এখন হোটেলৰ গাতে লাগি থকা এই কাপোৰৰ গুডামসমুহ কেনেকৈ জুইৰ সূত্ৰপাত হল সেইয়া নিশ্চিত হোৱা নাই । বিগত বছৰতো উক্ত বজাৰ এলেকাত অগ্নিকাণ্ডৰ সূত্ৰপাত ঘটিছিল ।

ইফালে গোলাঘাট অগ্নি নিৰ্বাপক বাহিনীৰ তৎপৰতাত অগ্নিকাণ্ডটো নিয়ন্ত্ৰণ কৰাৰ ফলত ভস্মীভূত গুডামসমুহৰ পাছফালে থকা মাছবজাৰ এলেকা,চক বজাৰ এলেকাটো কথমপি ৰক্ষা পৰে ।

Subscribe to EastMojo Assam

Enter your email address to receive notifications of new stories by email.

Join 4,904 other subscribers

Leave a comment

Leave a Reply