নলবাৰী- নলবাৰী অমিয়াপুৰৰ পাঞ্জাৱ নেচনেল বেংকত ডকাইটিৰ ঘটনা। দিন দুপৰতে পিষ্টল দেখুৱাই বেংকৰ পৰা লুটি নিলে ৬০ লাখ টকা।
গুলী ফুটাই চাৰিজনীয়া এটা দলে লৈ গ’ল ধন। ডকাইতৰ গুলীত আহত এজন৷ আহতজন নয়ন দাস বুলি জানিব পৰা গৈছে৷
ঘটনাস্থলীত উপস্থিত হয় নলবাৰী আৰক্ষী অধীক্ষক অমনজিৎ ক’ৰ সহ আৰক্ষীবিষয়া।
বেংকৰ ভিতৰৰ পৰা উদ্ধাৰ এটা সক্ৰিয় নাইন এম এমৰ গুলী৷ বৰ্তমানলৈকে আৰক্ষীয়ে ডকাইটৰ দলটোৰ এজনকো গ্ৰেপ্তাৰ কৰিবলৈ সক্ষম হোৱা নাই।
বৰ্তমান আৰক্ষীয়ে তদন্ত অব্যাহত ৰাখিছে।