নিউজ ডেক্স:- নিৰ্বাচনলৈ দুমাহ হাতত থকাৰ সময়তে বিৰোধী দলপতিৰ মৰ্যাদা হেৰুৱালে দেৱব্ৰত শইকীয়াই। কংগ্ৰেছৰ বিধায়কৰ সংখ্যা হ্ৰাস পোৱাৰ বাবেই হেৰুৱালে এই মৰ্যাদা। অসম বিধানসভাই ইতিমধ্যে প্ৰকাশ কৰিছে আনুষ্ঠানিক জাননী।
১ জানুৱাৰীৰ পৰা কাৰ্যকৰী হোৱাকৈ এই নিৰ্দেশনা প্ৰকাশ কৰিছে অসম বিধানসভাৰ সচিব এ এন ডেকাই। ২০১৬ চনৰ নিৰ্বাচনত ২৬ খন আসনত জয়লাভ কৰা কংগ্ৰেছৰ বৰ্তমানৰ বিধায়কৰ সংখ্যা ২০ জন |
শেহতীয়াকৈ ৰাজদ্বীপ গোৱালা আৰু অজন্তা নেওগে দল ত্যাগ আৰু বিধানসভাৰ সদস্য পদৰ পৰা পদত্যাগ কৰাৰ পিছতেই দেবব্ৰত শইকীয়াই বিৰোধী দলপতিৰ যোগ্যতা হেৰুৱাতো নিশ্চিত হৈছিল |বিৰোধী দলপতিৰ বাবে অসম বিধান সভাত ২১ জন বিধায়কৰ প্ৰয়োজন |
ইফালে অসম বিধানসভাৰ পৰা বিৰোধী দলপতিৰ মৰ্যাদা হেৰুওৱাৰ পিছত এতিয়াৰে পৰা শইকীয়াই কেবিনেট মৰ্যাদাৰ লগতে আন আন সুবিধা সমূহো হেৰুৱাব।