মন্ত্ৰী হিমন্ত বিশ্ব শৰ্মাই মুকলি কৰে ৰাজ্যৰ ১১ সংখ্যক অক্সিজেন প্লান্ট

গুৱাহাটীঃ ৰাজ্যত কৰ’না ত্ৰাসৰ মাজতে অক্সিজেনৰ নাটনি নহ’বৰ বাবে মহানগৰীৰ মহেন্দ্ৰ মোহন চৌধুৰী হস্পিতালত শুকুৰবাৰে অক্সিজেন প্লান্ট মুকলি কৰে মন্ত্ৰী হিমন্ত বিশ্ব শৰ্মাই ।

এইয়া ৰাজ্যৰ ১১ সংখ্যক অক্সিজেন প্লান্ট। প্লান্টৰ জৰিয়তে নিতৌ ১০০ টাকৈ অক্সিজেন চিণ্ডাৰ ভৰ্তি কৰিব পৰা যাব বুলি মন্তব্য কৰে মন্ত্ৰী হিমন্ত বিশ্ব শৰ্মাই ।

এই অক্সিজেন প্লান্টটোৰ জৰিয়তে প্ৰতিদিনে .৯ মেট্ৰিকটন অক্সিজেন উৎপাদন কৰিবলৈ সক্ষম হ’ব।

উৎপাদিত অক্সিজেনৰ জৰিয়তে প্ৰতিদিনে ১০০ টাকৈ জাম্ব’ চিলিণ্ডাৰ ভৰ্তি কৰিব পৰা যাব বুলি জানিব দিয়ে মন্ত্ৰী গৰাকীয়ে ।

উল্লেখ্য যে, ২৮ এপ্ৰিলৰ দিনা ডিব্ৰুগড় জিলাত ২ টা নতুন অক্সিজেন প্লাণ্টৰ উদ্বোধন কৰা হৈছিল। ইয়াৰ পূৰ্বে ৰাজ্যত ৮ টা অক্সিজেন প্লাণ্ট আছিল। আৰু আজিৰ টোৰ সৈতে অসম ৰাজ্যত মুঠ ১১অক্সিজেন প্লাণ্ট হয়।

ইফালে শিলচৰত আগন্তুক দুদিনৰ ভিতৰত শিলচৰত নতুন দুটা অক্সিজেন প্লান্ট উদ্বোধন কৰা হ’ব । এই প্লান্টটো উদ্বোধন কৰাৰ পিছতে অসমত অক্সিজেন প্লান্টৰ সংখ্যা হ’ব ১৩ টা । এই কথা সদৰি কৰে মন্ত্ৰী শৰ্মাই ।

Subscribe to EastMojo Assam

Enter your email address to receive notifications of new stories by email.

Join 4,905 other subscribers

Leave a comment

Leave a Reply