লামডিং ৰেল ষ্টেচন এতিয়া অপৰাধীৰ ঘাটি হৈ পৰিছে। ৰেলযোগে অপৰাধীয়ে নিতৌ ভিন্ন কৌশলে চলাই গৈছে নিসিদ্ধ বেহা। লামডিং ৰেলৱে জংচনত বুধবাৰে নিশা উদ্ধাৰ হয় মাৰণাস্ত্ৰ ।


১৫৬২৫ উজনিমুৱা দেওগড় আগৰতলা এস্কপ্ৰেছ ৰেলৰ পৰা উদ্ধাৰ হয় এই মাৰণাস্ত্ৰ ৷ ৰেলখনৰ এটি সাধাৰণ শ্ৰেণীৰ ডবাৰ এটি বেগৰ পৰা ৰেল আৰক্ষীয়ে উদ্ধাৰ কৰে এটা AK 47 বন্দুক ৷

লামডিং ৰেল আৰক্ষীৰ নিয়মীয়া তালাচীত বন্দুকটো উদ্ধাৰ হয় যদিও বন্দুকটোত কোনোধৰণৰ সজীৱ গুলী নাছিল ।উদ্ধাৰ হোৱা বন্দুকটো কঢ়িয়াই অনা যুৱকজনে আৰক্ষীয়ে ডবাটোত তালাচী চলোৱা সময়তে পলাই যাবলৈ সক্ষম হয় ৷


ইতিমধ্যে আৰক্ষীয়ে যুৱকজনক বিচাৰি লামডিঙত তালাচী আৰম্ভ কৰিছে ৷ ৰেল আৰক্ষীয়ে মাৰণাস্ত্ৰটো ঝাৰখণ্ডৰ পৰা আগৰতলা অভিমুখে নিয়া বুলি সন্দেহ কৰিছে ৷ লামডিং ষ্টেচনত ইয়াৰ পূৰ্বেও বহু নিসিদ্ধ সামগ্ৰী উদ্ধাৰ হৈছে যদিও অপৰাধীক ধৰিবলৈ সক্ষম হোৱা নাই আৰক্ষী।

Subscribe to EastMojo Assam

Enter your email address to receive notifications of new stories by email.

Join 6,136 other subscribers

Leave a comment

Leave a Reply Cancel reply