গুৱাহাটী : ৰাজ্যত পুনৰ সংঘটিত হৈছে চিকিৎসক নিগ্ৰহৰ ঘটনা। চিকিৎসকক আক্ৰমণ কৰাৰ অভিযোগত বিশ্বনাথ আৰক্ষীয়ে বৃহস্পতিবাৰে দুজন লোকক গ্ৰেপ্তাৰ কৰে।

শুকুৰবাৰে বিশ্বনাথ আৰক্ষীয়ে জনোৱা মতে যোৱা বুধবাৰে জিলাখনৰ মাজুলিগড় চাহ বাগিচাৰ জেষ্ঠ্য চিকিৎসা বিষয়া বসন্ত গোস্বামীক বাগিচাৰ ভিতৰত ক’ভিডৰ নিষেধাজ্ঞা আৰোপ কৰাকলৈ দুস্কৃতিকাৰীয়ে শাৰীৰিকভাৱে অপদস্থ কৰিছিল।

ঘটনা সংঘটিত কৰি উক্ত দুস্কৃতিকাৰীয়ে তাৰ পলায়ন কৰে। ইয়াৰ পিছতে আৰক্ষীয়ে তেওঁলোক অভিযান আৰম্ভ কৰে আৰু বৃহস্পতিবাৰে ঘটনাৰ সৈতে জড়িত দুজন অভিযুক্তক গ্ৰেপ্তাৰ কৰিবলৈ সক্ষম হয়।

আনহাতে, উক্ত ঘটনাত জড়িত আন এজন অভিযুক্ত বৰ্তমান পলাতক অৱস্থাত আছে বুলি উল্লেখ কৰি তেওঁক শীঘ্ৰ কৰায়ত্ত কৰা হ’ব বুলি আৰক্ষীয়ে জানিবলৈ দিয়ে।

লগতে পঢ়ক : চাকৰি : গুৱাহাটী উচ্চ ন্যায়ালয়ত খালী হৈছে বহুকেইটা পদ

উল্লেখযোগ্য যে এই মাহটোত ৰাজ্যত চিকিৎসকৰ ওপৰত হোৱা এইটো তিনি নম্বৰ ঘটনা। যোৱা ১ জুনত হোজাই এটা ক’ভিড কেয়াৰ চেণ্টাৰত সেউজ সেনাপতি নামৰ এজন চিকিৎসকক ৰোগীৰ আত্মীয়ে প্ৰহাৰ কৰি গুৰুতৰভাৱে আহত কৰিছিল।

ইয়াৰ পিছত হাইলান্দিৰ এছ কে ৰয় হস্পিতালৰ এগৰাকী চিকিৎসকক আক্ৰমণ কৰাৰ অভিযোগত ৪ জুনত ২ জন লোকক গ্ৰেপ্তাৰ কৰা হৈছিল।

ইণ্ডিয়ান মেডিকেল এছ’চিয়েশ্য, অসমৰ সভাপতি ডাঃ সত্যজিৎ বৰাই চিকিৎসকৰ ওপৰত হৈ থকা আক্ৰমণৰ ঘটনাক দুৰ্ভাগ্যজনক আখ্যা দিয়ে।

Subscribe to EastMojo Assam

Enter your email address to receive notifications of new stories by email.

Join 5,113 other subscribers

Leave a comment

Leave a Reply