গুৱাহাটীঃ ৰাজ্য চৰকাৰ আৰু অনুসূচিত জাতিৰ মৰ্যাদা দাবী কৰা ছয়টা সম্প্ৰদায়ৰ প্ৰতিনিধিসকলে সমস্যাটো সমাধানৰ বাবে ত্ৰিপাক্ষিক বৈঠক অনুষ্ঠিত কৰিবলৈ সন্মত হৈছে।

শুকুৰবাৰে মুখ্যমন্ত্ৰী হিমন্ত বিশ্ব শৰ্মাই টুইটাৰত লিখিছে যে ,আদিবাসী, চুতীয়া, কোচ ৰাজবংশী, মটক, মৰাণ আৰু টাই আহোম জনগোষ্ঠীৰ প্ৰতিনিধিৰ সৈতে অনুসূচিত জাতি মৰ্যাদাৰ দাবী সন্দৰ্ভত এখন বৈঠক অনুষ্ঠিত কৰা হয় । তেওঁলোকৰ উদ্বেগ শুনি থকাৰ সময়তে  আমাৰ চৰকাৰে তেওঁলোকক অনুসূচিত জনজাতিৰ মৰ্যাদা প্ৰদানৰ বাবে গ্ৰহণ কৰা ধাৰাবাহিক পদক্ষেপসমূহৰ প্ৰতি তেওঁলোকৰ দৃষ্টি আকৰ্ষণ কৰে।

মুখ্যমন্ত্ৰীগৰাকীয়ে লগতে কয় যে তেওঁলোকে চৰকাৰ, প্ৰতিনিধি আৰু অন্যান্য জনজাতীয় সংস্থাসমূহক জড়িত কৰি এখন ত্ৰিপাক্ষিক বৈঠকৰ লগতে কেইবাখনো বৈঠক অনুষ্ঠিত কৰিবলৈ সন্মত হৈছে যাতে মতানৈক্যসমূহ কম কৰিব পৰা যায় আৰু জনগোষ্ঠীসমূহৰ জনজাতিৰ মৰ্যাদাৰ বাবে এক অনুকূল পৰিৱেশ সৃষ্টি কৰিব পৰা যায় ৷

কেন্দ্রই তেওঁলোকক বাদ দি আন পাঁচখন ৰাজ্যৰ ১২টা জনগোষ্ঠীক  অনুসূচিত জনজাতিৰ মৰ্যাদা প্রদান কৰাৰ সিদ্ধান্তৰ বিৰুদ্ধে ছয় জনগোষ্ঠীয়ে প্রতিবাদ সাব্যস্ত কৰিছিল ৷

প্ৰতিবাদকাৰীসকলে বৃহস্পতিবাৰে জনগোষ্ঠী ঐক্য মঞ্চৰ অধীনত সমদল উলিয়াইছিল । আৰক্ষীয়ে প্ৰতিবাদকাৰীসকলক জনতাভৱনত প্ৰৱেশত বাধা দিয়ে।

২০১৬ চনৰ বিধানসভা নিৰ্বাচনৰ পূৰ্বে বিজেপিয়ে এই জনগোষ্ঠীসমূহক অনুসূচিত জনজাতিৰ মৰ্যাদা প্ৰদান কৰাৰ প্ৰতিশ্ৰুতি দিছিল।

Subscribe to EastMojo Assam

Enter your email address to receive notifications of new stories by email.

Join 6,587 other subscribers

Leave a comment

Leave a Reply Cancel reply