নিউজ ডেস্ক: ৰাষ্ট্ৰীয় অনুসন্ধানকাৰী সংস্থা (NIA)-ৰ বিশেষ আদালতে অসম ৰাজ্যিক চিৰিয়াখানাৰ সমীপত সংঘটিত গ্ৰেনে’ড বিস্ফোৰণৰ ঘটনাৰ সৈতে জড়িত ৮ গৰাকী অভিযুক্তৰ বিৰুদ্ধে গোচৰ ৰুজু কৰে।

উল্লেখযোগ্য যে ২০১৯ চনৰ ১৫ মে’ত গুৱাহাটীৰ জু-ৰোডত অৱস্থিত ‘গুৱাহাটী চেন্ট্ৰেল শ্বপিং মল’ৰ সন্মুখত সংঘটিত গ্ৰেনে’ড বিস্ফোৰণত ১২ গৰাকী ব্যক্তি আহত হৈছিল।

অনুসন্ধানকাৰী সংস্থাটোৱে দাখিল কৰা অভিযোগনামাৰ ওপৰত ভিত্তি কৰি NIA-ৰ বিশেষ আদালতে পাপু কোঁচ, জাহ্নৱী শইকীয়া, প্ৰাণময় ৰাজগুৰু, চিন্ময় লহকৰ, ইন্দ্ৰমোহন বৰা, অমৃত বল্লভ গোস্বামী, প্ৰকাশ ৰাজকোঁৱৰ আৰু সঞ্জীৱ তালুকদাৰৰ বিৰুদ্ধে ২/২০১৯ নম্বৰৰ গোচৰ ৰুজু কৰে।

নিয়াৰ আদালতে জনাই যে পাপু কোঁচৰ বিৰুদ্ধে ভাৰতীয় দণ্ডবিধিৰ ১২১/১২১(ক)/১২২/৩০৭/৩২৬/১৬(১)(খ) ধাৰা, বেআইনী কার্যকলাপ প্ৰতিৰোধ আইনৰ ১৮/২০/২৩/২৫(১)(খ)/৩৫ ধাৰা আৰু বিস্ফোৰক আইনৰ ৩/৫/১৮(খ) ধাৰাৰ অধীনত গোচৰ ৰুজু কৰা হয়।

আনহাতে জাহ্নৱী শইকীয়াৰ বিৰুদ্ধে ভাৰতীয় দণ্ডবিধিৰ ১২১/১২১(ক)/১২২ ধাৰা, বেআইনী কার্যকলাপ প্ৰতিৰোধ আইনৰ ১৩/১৬/১৬(১)(খ)/১৮/১৯/২৩(১)/৩৮/৩৯ ধাৰা, অস্ত্ৰ-শস্ত্ৰ আইনৰ ২৫(১) ধাৰা আৰু বিস্ফোৰক আইনৰ ৫ ধাৰাৰ অধীনত ৰুজু কৰা হৈছে গোচৰ।

আলোচনা পন্থী আলফা নেতা প্ৰাণময় ৰাজগুৰুৰ বিৰুদ্ধে ভাৰতীয় দণ্ডবিধিৰ ১২১/১২১(ক)/১২২ ধাৰা, বেআইনী কার্যকলাপ প্ৰতিৰোধ আইনৰ ১৩/১৬(১)(খ)/১৮/২৩(১)/৩৮/৩৯ ধাৰা, অস্ত্ৰ-শস্ত্ৰ আইনৰ ২৫(১)(খ)/৩৫ ধাৰা আৰু বিস্ফোৰক আইনৰ ৫ ধাৰাৰ অধীনত চলোৱা হ’ব গোচৰ প্ৰক্ৰিয়া।

চিন্ময় লহকৰৰ বিৰুদ্ধে ভাৰতীয় দণ্ডবিধিৰ ১২১/১২১(ক) ধাৰা, বেআইনী কার্যকলাপ প্ৰতিৰোধ আইনৰ ১৬(১)(খ)/১৮/২০/৩৮/৩৯ ধাৰাৰ অধীনত গোচৰ ৰুজু কৰা হয়।

ইন্দ্ৰমোহন বৰাৰ বিৰুদ্ধে বেআইনী কার্যকলাপ প্ৰতিৰোধ আইনৰ ১৮/১৯/৩৮/৩৯ ধাৰাৰ অধীনত গোচৰ চলোৱা হ’ব । আনহাতে অমৃত বল্লভ গোস্বামীৰ বিৰুদ্ধে বেআইনী কার্যকলাপ প্ৰতিৰোধ আইনৰ ১৩/১৮(খ)/৩৮/৩৯ ধাৰাৰ অধীনত গোচৰ চলোৱা হ’ব।

সঞ্জীৱ তালুকদাৰৰ বিৰুদ্ধে ভাৰতীয় দণ্ডবিধিৰ ১২১(ক) ধাৰা, বেআইনী কার্যকলাপ প্ৰতিৰোধ আইনৰ ১৮/৩৮/৩৯ ধাৰাৰ অধীনত গোচৰ চলোৱা হ’ব। আনহাতে প্ৰকাশ ৰাজকোঁৱৰৰ বিৰুদ্ধে বেআইনী কার্যকলাপ প্ৰতিৰোধ আইনৰ ১৩/৩৮/৩৯ ধাৰাৰ অধীনত ৰুজু কৰা হয় গোচৰ।

আদালতে অহা ২৪ ফেব্ৰুৱাৰীত গোচৰটোৰ প্ৰমাণ দাখিল কৰাৰ দিন ধাৰ্য্য কৰিছে।

লগতে পঢ়ক – কাজিৰঙাত বন ধ্বংস এতিয়াও চলি আছে বিভাগীয় পত্ৰত উদঙাইছে এই তথ্য

Subscribe to EastMojo Assam

Enter your email address to receive notifications of new stories by email.

Join 6,334 other subscribers

Leave a comment

Leave a Reply Cancel reply