নিউজ ডেস্ক: “শ্ৰী ৰঘুপতি”ৰ পাছতে এইবাৰ ছবিগৃহত মুক্তি লাভ কৰিব এন কে প্ৰডাকচনৰ দ্বাৰা নিৰ্মিত ছবি ‘দ্য শ্লেমবুক’। এন কে প্ৰডাকচনৰ ৪০ বছৰীয়া সফল যাত্ৰাত দৰ্শকলৈ উপহাৰ হিচাপে আগবঢ়াইছে এই ছবিখন । শুক্ৰবাৰে অৰ্থাৎ ৩০ জুনত সকলো চিত্ৰগৃহতে মুক্তি লাভ কৰিব ছবিখনে ।
ছবিখন প্ৰযোজনা কৰিছে প্ৰডাকচন হাউচৰ স্বত্বাধিকাৰী দেৱ বৰকটকীয়ে । কাহিনী-পৰিচালনা প্রাঞ্জল গৈয়াৰীৰ ৷ চিত্রনাট্য-সংলাপ বিষ্ণুজ্যোতি সন্দিকৈৰ। ৰেড এপিক আৰু ৰেড এম এ’ কেমেৰাৰে ছবিখনিৰ দৃশ্যগ্ৰহণ কৰিছে জ্ঞান গৌতমে। মুখ্য সহকাৰী পৰিচালক সপ্তঋষি গৌতম । ৰূপসজ্জা কাম্ছীৰ । কৰিঅ’গ্ৰাফাৰ- দীপক দে’ আৰু উদয় শংকৰ ।
‘দ্য শ্লেমবুক’ৰ বিভিন্ন চৰিত্ৰত অভিনয় কৰিছে ক্ৰমে- নিৰূপম শইকীয়া, বিভূতি ভূষণ হাজৰিকা, ৰূপম বৰুৱা, শ্রেষ্ঠা চৌধুৰী, পুনম লহকৰ, সীদ্ধার্থ মূখার্জী, কাকলি সন্দিকৈ, প্ৰিয়ংকা বৰুৱা, ৰাজ দত্ত, চিন্ময় বৰগোহাঁইৰ লগতে বহুতো ন-পুৰণি অভিনয় শিল্পীয়ে।
জুবিন গাৰ্গে সংগীত পৰিচালনা কৰা ‘দ্য শ্লেমবুক’ত সন্নিৱিষ্ট হৈছে চাৰিটিকৈ গীত। ইতিমধ্যে ছবিখনিৰ চাৰিওটি গীতে ব্যাপত সঁহাৰি লাভ কৰা পৰিলক্ষিত হৈছে।