সোণাৰিঃ বৰ অসমৰ প্ৰতিষ্ঠাপক চাওল্যুং চুকাফাকে ধৰি আন স্বৰ্গদেউ সকলৰ পুণ্যাত্মাৰ প্ৰতি শ্ৰদ্ধা জনাই দুদিনীয়াকৈ ঐতিহাসিক চৰাইদেউ মৈদাম থলীত পৰম্পৰাগত ৰীতি-নীতিৰে ৭০ সংখ্যক স্মৃতি তৰ্পণ অনুষ্ঠানটি অনুষ্ঠিত হয় ৷ সুদীৰ্ঘ কাল ৰাজত্ব কৰা আহোম স্বৰ্গদেউসকলৰ লগতে আৰাধ্য দেৱতা লেংডন, খুনলুং আৰু খুনলাইৰ নামত আজি ৪২ খন পায়সৰ শৰাই আগবঢ়াই সেৱা গ্ৰহণ কৰা হয় ৷
লগতে পঢ়কঃমাননী নহয় মজুৰি লাগে অংগনবাড়ী কৰ্মীক
আনহাতে কাৰ্যসূচী অনুসৰি প্ৰথম দিনা লাংকুৰি দেওশালৰ নামনিত অৱস্থিত গোটা দ’লত চোমদেওলৈ শৰাই আগবঢ়োৱাৰ লগতে নিশালৈ নামকীৰ্তন কৰা হয় ৷ উল্লেখ্য যে, ত্ৰয়োদশ শতিকাত সুদূৰ পাটকাই পাৰ হৈ আহি অসমত আহোম ৰাজ্য প্ৰতিষ্ঠাৰ যোগেদি বৰ অসমৰ সপোন দেখা চাওলুং চুকাফাৰ লগতে আন স্বৰ্গদেউ আৰু ডা- ডাঙৰীয়া সকলৰ পুণ্যাত্মাৰ প্ৰতি শ্ৰদ্ধা জনাই ১৯৫৩ চনৰ পৰা ধাৰাবাহিক ভাৱে ঐতিহাসিক চৰাইদেউ মৈদাম থলীত এই তৰ্পণ উৎসৱ ( বিয়াল্লিছ খন শৰাই দিয়া) অনুষ্ঠানটি পালন কৰি অহা হৈছে ৷