মৰিয়নী: পৰাজয়ৰ পিছতো বিধায়ক ৰূপজ্যোতি কুৰ্মীয়ে চেষ্টা চলাই ব্যৰ্থ হোৱাৰ পিছত এতিয়া মৰিয়নীত পৌৰসভা গঠন কৰিবলৈ ওলাইছে নিৰ্দলীয়ই ৷ এগৰাকী বিজেপি সদস্যইও যোগদান কৰিব নিৰ্দলীয় গোটত ৷ ৮ জন নিৰ্দলীয় পৌৰ সদস্য একত্ৰিত হৈ নিৰ্দলীয়ভাৱে গঠন কৰিব পৌৰসভা ।

মৰিয়নী পৌৰসভা নিৰ্বাচনত ধূলিসাৎ ভাৰতীয় জাতীয় কংগ্ৰেছৰ সমান্তৰালকৈ উপ-নিৰ্বাচনত বৃহৎ সংখ্যক ভোট লৈ অভিলেখ সৃষ্টিৰে জয়ী হোৱা বিজেপি । পৌৰসভাৰ ১০ টা ৱাৰ্ডৰ মাত্ৰ ২ টা ৱাৰ্ডতহে জয়ী হ’বলৈ সক্ষম হ’ল শাসকীয় বিজেপিৰ প্ৰাৰ্থী ৷ তাৰ বিপৰীতে ৮ টা ৱাৰ্ডত নিৰ্দলীয় প্ৰাৰ্থী জয়ী হৈ এক নতুন অভিলেখ সৃষ্টি কৰিলে ।

পৌৰসভা নিৰ্বাচনৰ ফলাফল ঘোষণা পাছতেই বিধায়ক ৰূপজ্যোতি কুৰ্মীয়ে জয়ী নিৰ্দলীয় প্ৰাৰ্থীৰ ঘৰত উপস্থিত হৈ পৌৰসভাখন বিজেপি দলে গঠন কৰি বুলি সংবাদ মাধ্যমৰ আগত মন্তব্য কৰিছিল৷ কিন্তু সোমবাৰে নিৰ্দলীয় ৮ গৰাকী প্ৰাৰ্থী একত্ৰিত হৈ জানিবলৈ দিয়ে যে তেওঁলোকে বিজেপিৰ সৈতে কোনো যোগাযোগ কৰা নাই আৰু দলটোত যোগদান নকৰে৷ তেওলোকে নিৰ্দলীয়ভাৱে মৰিয়নী পৌৰসভা গঠন কৰিব বুলিও জানিবলৈ দিয়ে ৷
আনহাতে বিজেপিৰ পৰা জয়ী হোৱা দুগৰাকী প্ৰাৰ্থীৰ এগৰাকী প্ৰাৰ্থীয়ে নিৰ্দলীয়ভাৱে জয়ী হোৱা প্ৰাৰ্থীসকলৰ সৈতে যোগাযোগ অব্যাহত ৰাখিছে ৷ অচিৰেই বিজেপি দল ত্যাগ কৰি এইগৰাকী জয়ী বিজেপি প্ৰাৰ্থীয়ে নিৰ্দলীয় গোটত যোগদান কৰিব বুলি জানিবলৈ দিয়ে নিৰ্দলীয়টোৱে । স্থানীয় বিধায়কে এই বিষয়টোক লৈ কেতবোৰ অপপ্ৰচাৰ আৰম্ভ কৰিছে বুলিও নিৰ্দলীয় সদস্য কেইগৰাকীয়ে জানিবলৈ দিয়ে।

Subscribe to EastMojo Assam

Enter your email address to receive notifications of new stories by email.

Join 6,588 other subscribers

Leave a comment

Leave a Reply Cancel reply