নিউজ ডেস্কঃ অসমত হ্ৰাস পাইছে অপৰাধৰ হাৰ। এই কথা যুটীয়াভাৱে সংবাদমেল সম্বোধন কৰি ঘোষণা কৰিছে বিশেষ আৰক্ষী সঞ্চালক প্ৰধান এল আৰ বিষ্ণৈ আৰু এডিজিপি (চিআইডি) এৱাইভি কৃষ্ণ আৰু আইজিপি সুৰেন্দ্ৰ কুমাৰে। 

এই সন্দৰ্ভত এডিজিপি বিষ্ণৈ কয় যে- ‘যোৱা বছৰৰ মে’ মাহত ৰাজ্যখনত প্ৰতি লাখ জনসংখ্যাৰ ভিতৰত গড় অপৰাধৰ হাৰ আছিল ৩৮৪, যি সংখ্যা ২০২২চনৰ এপ্ৰিলত ২২২লৈ হ্ৰাস পাইছে। যোৱা বছৰ মাহিলী অপৰাধৰ গোচৰ পঞ্জীয় হৈছিল প্ৰায় ১১ হাজাৰ । কিন্তু এই বছৰৰ এপ্ৰিল মাহত ই ৬২০০লৈ হ্ৰাস পাইছে।’

আৰক্ষী বিষয়াগৰাকীয়ে সংবামেলত লগতে কয়- ‘আমি ২০২১ চনৰ প্ৰথম চতুৰ্থাংশত ২৪,১৫৯ টা গোচৰ নিষ্পত্তি কৰিছিলো। ইয়াৰ বিপৰীতে, আমি ২০২২ চনত একে সময়তে ২৮,৪০০ টা গোচৰ নিষ্পত্তি কৰিছিলো। আন এটা ডাঙৰ সফলতা হ’ল ড্ৰাগছ, গৰুৰ চোৰাং ব্যৱসায়, বাৰ্মিজ চুপাৰি চোৰাং ব্যৱসায়, মানৱ সৰবৰাহ আদিৰ বিৰুদ্ধে যুদ্ধ। যোৱা বছৰত, আমি ৫৪৮ কোটি টকাৰ ড্ৰাগছ জব্দ কৰিছিলো, ২৮৩৪ টা ড্ৰাগছ সম্পৰ্কীয় গোচৰ পঞ্জীয়ন কৰিছিলো আৰু ৪৮৩৮ জন লোকক গ্ৰেপ্তাৰ কৰিছিলো। আমি এই সময়ছোৱাত ড্ৰাগছ সৰবৰাহত ব্যৱহৃত ৩২০ খন বাহনো জব্দ কৰিছিলো।’

“আমি ৫৩ লাখ কিলোগ্ৰাম বাৰ্মিজ চুপাৰি জব্দ কৰিছো, ১৬৩ টা গোচৰ ৰুজু কৰিছো আৰু সেই সন্দৰ্ভত ১৮২ জন লোকক গ্ৰেপ্তাৰ কৰিছো।গৰুচোৰাং ব্যৱসায়ৰ বিৰুদ্ধে আমাৰ যুঁজ অব্যাহত আছে। আমি চোৰাং ব্যৱসায়ীসকলৰ পৰা ৯,৪৫৪ টা গৰু উদ্ধাৰ কৰিছিলো আৰু ৯৯২ জন চোৰাং ব্যৱসায়ীক গ্ৰেপ্তাৰ কৰিছিলো। লগতে যোৱা বছৰত ১,১০০ টা গোচৰ ৰুজু কৰিছিলো।”- এইদৰে কয় এডিজিপি গৰাকীয়ে।

ইফালে, আৰক্ষী বিষয়া সুৰেন্দ্ৰ কুমাৰে কয়- “আমি যোৱা বছৰত ২৯ জন লোকৰ বিৰুদ্ধে ২৪ টা দুৰ্নীতিৰ গোচৰ ৰুজু কৰিছিলো। আমি ৰাজহুৱা অভিযোগৰ ওপৰত ভিত্তি কৰি দুৰ্নীতিগ্ৰস্ত বিষয়াসকলক ফান্দত পেলাইছিলো। আমি ৰাইজক দুৰ্নীতিৰ বিৰুদ্ধে অভিযোগ দাখিল কৰিবলৈ অনুৰোধ জনাইছো।”

Subscribe to EastMojo Assam

Enter your email address to receive notifications of new stories by email.

Join 6,578 other subscribers

Leave a comment

Leave a Reply Cancel reply