নিউজ ডেস্কঃ আজি ঘোষণা কৰা হৈছে অসম আৰক্ষীৰ উপ পৰিদৰ্শক নিযুক্তি ফলাফল। মুঠ ৫,২৬২ গৰাকী দৰিদ্ৰ শ্ৰেণীৰ মেধাসম্পন্ন ল’ৰা-ছোৱালীয়ে লাভ কৰিছে চাকৰি।
এই ফলাফল সন্দৰ্ভত অসম আৰক্ষীৰ সঞ্চালক প্ৰধান ভাস্কৰজ্যোতি মহন্তই এক সংবাদমেল সম্বোধন কৰে। তেওঁ এই সংবাদমেলত জনাই যে এই ৫ সহস্ৰাধিক পদৰ বাবে অসম ৭ লক্ষাধিক নিবনুৱা যুৱক-যুৱতী অৱতীৰ্ণ হৈছিল।
ইয়াৰ ভিতৰত আৰ্মড ব্ৰাঞ্চৰ বাবে অসম আৰক্ষীৰ ৫টা কৈ কমাণ্ডো বেটেলিয়নৰ পৰিকল্পনাৰ কথাও উল্লেখ কৰে ভাস্কৰ জ্যোতি মহন্তই।
ডিজিপি ভাস্কৰজ্যোতি মহন্তই লগতে কয় যে- এইবাৰ পৰীক্ষাত যিসকলে ভাল ফলাফল লাভ কৰিছে তেওঁলোকে নিজৰ যোগ্যতাৰ ভিত্তিতে লাভ কৰিছে নিযুক্তি। উল্লেখ্য যে, অহা ২২ ছেপ্টেম্বৰত উত্তীৰ্ণ প্ৰাৰ্থীসকলক খানাপাৰা পশু চিকিৎসালয় খেলপথাৰত নিযুক্তি পত্ৰ প্ৰদান কৰা হ’ব।