নিউজ ডেস্কঃ অসম অসামৰিক সেৱাৰ দুগৰাকী বিষয়াক নিলম্বন কৰিছে ৰাজ্য চৰকাৰে। অসম মীন উন্নয়ন নিগম লিমিটেডৰ নিযুক্তিৰ ক্ষেত্ৰত বৃহৎ অনিয়মৰ সৈতে জড়িত থকাৰ অভিযোগতে নিলম্বন কৰা হৈছে বিষয়া দুগৰাকীক।
উল্লেখ্য যে, অনুৰাধা অধিকাৰী আৰু নৰেন চন্দ্ৰ বসুমতাৰী নামৰ বিষয়া দুগৰাকীক অনিয়ম সংঘটিত হোৱাৰ সময়ত এ এফ ডি চি এলৰ পৰিচালনা সঞ্চালক হিচাপে নিযুক্তি দিয়া হৈছিল।
ইফালে, ৰাজ্য চৰকাৰে প্ৰতিষ্ঠা কৰা উচ্চ শক্তি সমিতিৰ মতে- অসম চৰকাৰৰ ব্যক্তিগত বিভাগ, অনুৰাধা অধিকাৰীয়ে জাৰি কৰা এক অধিসূচনা অনুসৰি এ চি এছে অসম মীন সঞ্চালক এ এফ ডি চি এলত , ঠিকাভিত্তিক কৰ্মচাৰীসকলক নিয়মীয়াকৰণ আৰু নিযুক্তি দিয়াৰ ক্ষেত্ৰত ব্যাপক অনিয়ম সংঘটিত কৰিছিল।
১৯৬৪ চনৰ অসম সেৱা (অনুশাসন আৰু আপীল) নিয়মৰ অধীনত অসম চৰকাৰৰ সীমান্ত সুৰক্ষা আৰু উন্নয়ন বিভাগৰ যুটীয়া সচিব অনুৰাধা অধিকাৰী, সীমান্ত সুৰক্ষা আৰু উন্নয়ন বিভাগৰ এচিএছ ইতিমধ্যে এক বিভাগীয় কাৰ্য্যবিধিৰ বিষয় হৈ পৰিছে।