দিয়ুং মুখত উগ্ৰপন্থীৰ আক্ৰমন

নিউজ ডেস্ক: হাফলঙৰ ঘটনাক লৈ বহুতো বিস্ফোৰক খবৰ শেহতীয়াকৈ পোহৰলৈ আহিছে । প্ৰতক্ষ্যদৰ্শী গাড়ীচালকে সংবাদমাধ্যমৰ আগত প্ৰকাশ কৰা মতে , ঘটনাৰ আগতীয়া তথ্য পোৱাৰ পিছতো ব্যৱস্থা নোলোৱা বাবে দিয়ুংমুখৰ ঘটনা সংগঠিত হয় ।

নিশা ৮.৩০ বজাত ঘটনা সংগঠিত হোৱাৰ আধা ঘণ্টা আগতেই উগ্ৰপন্থীৰ উপস্থিতিৰ তথ্য আৰক্ষীক জনাইছিল সেই পথেৰে অহা যোৱা কৰা গাড়ী চালকে । নৰসংহাৰ চলাবলৈ অহা উগ্ৰপন্থীয়ে ভেটি ৰাখিব পৰা নাছিল প্ৰথমখন ট্ৰাকখন ।
ইয়াৰ পিছতে মিছবা নামৰ ট্ৰাকচালকজনে পলায়ন কৰি দিয়ুংমুখ থানাক সমষ্ট ঘটনা অৱগত কৰিছিল । চালকজনে আৰক্ষীক জনাইছিল বন্দুকধাৰী ডকাইত অহা বুলি ।

বহু সময়ধৰি আৰক্ষীয়ে কোনো ব্যৱস্থা নোলোৱাত চালকজনে বহু ট্ৰাক চালকক সেই পথেৰে আহিবলৈ মানা কৰিছিল । পিছৰ পৰ্যায়ত সেই বন্দুকধাৰীক কবলত পৰে পাঁচখনকৈ ট্ৰাক ।

ধাৰাসাৰ গুলীচালনাত পাঁচজনকৈ গাড়ীৰ চালক কৰ্মচাৰী নিহত হোৱাৰ লগতে এজন গুলীবৃদ্ধ লোক এতিয়া
চিকিৎসাধীন হৈ আছে ।

এই ঘটনাত নিহত হোৱা সকলৰ ভিতৰত চিনাক্ত হোৱাসকল হল দিলোৱাৰ হুছেইন, চিকন্ডৰ আলি, গৌৰী মজুমদাৰ আৰু আছকৰ আলি | গুৰুত্বৰ ভাবে আহত প্ৰনব সিনহা আৰু ফাৰুক আহমেদক গুৱাহাটীলৈ প্ৰেৰণ কৰা হৈছে

বন্দুকধাৰী দলটোৱে ট্ৰাকসমূহ জ্বলাই দিয়াৰ বহুসময়ৰ পিছতহে ঘটনাস্থলীত আৰক্ষীৰ লোক আহি উপস্থিত হয় । সকলো শেষ হৈ যোৱাৰ পিছতহে অগ্নিনিৰ্বাপক বাহিনীৰ লোক আহি গাড়ীসমূহৰ জুই নিৰ্বাপন কৰে ।


ড্ৰাইভাৰ এগৰাকীয়ে দিয়া ঘটনাৰ বিবৰণি মতে আৰক্ষীয়ে সময়ত কোনো ব্যৱস্থা নোলোৱাৰ বাবেই এই ভয়ংকৰ ঘটনা সংঘটিত হ’বলৈ পালে ।
হাফলঙৰ আৰক্ষী অধীক্ষক গৰাকীয়ে ঘটনাস্থলীত উপস্থিত হৈ পৰিস্থিতি অধ্যয়ন কৰিছে যদিও কোনো ব্যক্তিকে এতিয়ালৈকে ঘটনাৰ সন্দৰ্ভত আটক কৰিব পৰা নাই বুলি জানিবলৈ দিয়ে ।

উমৰাংছুত থকা ডালমিয়া চিমেন্টৰ গাড়ী সমূহ লংকা দিশলৈ আহি থকা অবস্থাত উগ্ৰপন্থীৰ আক্ৰমনৰ লক্ষ্য হৈ পৰা ঘটনাৰ পিছত ট্ৰাকৰ ভিতৰতেই আবদ্ধ হৈ মৃত্যু হয় চালকসকল ।

পূৰ্বৰে পৰা ডালমিয়া চিমেন্টক ধনদাবী কৰি অহা বুলিও আৰক্ষী অধীক্ষক গৰাকীয়ে জানিবলৈ দিয়ে ।

লগতে পঢ়ক হাফলঙৰ ডিয়ুংমুখত সন্দেহ যুক্ত DNLA উগ্ৰপন্থীয়ে জ্বলালে পাঁচ খন ট্ৰাক

Subscribe to EastMojo Assam

Enter your email address to receive notifications of new stories by email.

Join 5,286 other subscribers

Leave a comment

Leave a Reply