নিউজ ডেস্কঃ ৰাজহ বৃদ্ধিৰ স্বাৰ্থত এইবাৰ অসম বিদ্যুৎ নিয়ামক আয়োগে বৃদ্ধি কৰিছে প্রতি কিলোৱাট/ কেভিত বিদ্যুৎ মাচুলৰ ফিক্সড চার্জ। এতিয়াৰ পৰা ৰাজ্যৰ বিদ্যুৎ গ্ৰাহকে প্রতি মাহে প্রতি কিলোৱাট/ কেভিত ফিক্সড চার্জ হিচাপে অতিৰিক্ত ১০ টকাকৈ দিব লাগিব।

APDCL ৰ এক আবেদনৰ ভিত্তিত বিদ্যুৎ নিয়ামক আয়োগে এই ফিক্সড চার্জ বৃদ্ধিৰ অনুমোদন জনাই। জানিব পৰা অনুসৰি, APDCL য়ে ফিক্সড চার্জ বৃদ্ধিৰ বাবে ১৫ ৰ পৰা ৭৫ টকালৈ বৃদ্ধিৰ প্ৰস্তাৱ দিছিল।

অসম বিদ্যুৎ নিয়ামক আয়োগে প্ৰকাশ কৰা জাননী অনুসৰি, APGCL, AEGCL আৰু APDCL ত এই নতুন বিদ্যুৎ নিধি ১ এপ্ৰিলৰ পৰা কাৰ্যকাৰী হোৱাকৈ সংশোধন কৰে।

ইফালে, APDCL য়ে প্ৰতি ইউনিটত মাহে ১ ৰ পৰা ৩ টকা পৰ্যন্ত মাচুল বৃদ্ধিৰ প্ৰস্তাৱ দিছিল। কিন্তু অসম বিদ্যুৎ নিয়ামক আয়োগে এই বিদ্যুৎ মাচুল বৃদ্ধিৰ আবেদনৰ প্ৰস্তাৱ নাকচ কৰে।

ইয়াৰ পৰিৱৰ্তে অসম বিদ্যুৎ নিয়ামক আয়োগে ২০২২-২৩ বৰ্ষৰ তুলনাত ১.২% বিদ্যুৎ মাচুল হ্ৰাসৰহে অনুমোদন জনাই। যাৰ বাবে সকলো শ্ৰেণীৰ এনাৰ্জী চাৰ্জৰ বাবে প্ৰতি ইউনিটত ১০ ৰ পৰা ২০ পইচা পৰ্যন্ত  হ্ৰাস পাইছে।

উল্লেখযোগ্য যে, ২০২৩-২৪ বিত্তীয় বৰ্ষৰ কাৰণে গড় যোগানৰ মূল্য হিচাপত প্ৰতি ইউনিটত ৮.০২ ৰ পৰা ৭.৯৪ টকালৈ হ’ব, অসম বিদ্যুৎ নিয়ামক আয়োগৰ অনুমোদন অনুসৰি। কিন্তু APDCL য়ে প্ৰতি ইউনিটত গড় যোগানৰ মূল্য হিচাপে ৯.৫২ টকালৈ বৃদ্ধিৰ আবেদন প্ৰস্তাৱ দিছিল। ২০২২-২৩ বৰ্ষত গড় যোগানৰ মূল্য হিচাপে প্ৰতি ইউনিটতৰ মূল্য আছিল ৮.১৪ টকা।

লগতে পঢ়ক – নতুন বিমান ক্ৰয়ৰ বাবে ১৪ হাজাৰ কোটি টকা ঋণ সংগ্ৰহ এয়াৰ ইণ্ডিয়াৰ

Subscribe to EastMojo Assam

Enter your email address to receive notifications of new stories by email.

Join 7,218 other subscribers

Leave a comment

Leave a Reply