গুৱাহাটীঃ মুখ্যমন্ত্ৰী হিমন্ত বিশ্ব শৰ্মা আৰু তেওঁৰ পত্নী ৰিণিকি ভূঞা শৰ্মাৰ বিৰুদ্ধে থকা ২০১৯ৰ লোকসভা নিৰ্বাচনী আচৰণবিধি উলংঘনৰ গোচৰ খাৰিজ কৰে গুৱাহাটী উচ্চ ন্যায়ালয়ে।

উল্লেখ্য যে,২০১৯ চনৰ দেশৰ সাধাৰণ নিৰ্বাচনৰ প্ৰথম পৰ্যায়ৰ প্ৰচাৰ অন্ত পৰাৰ পাছতেই নিৰ্বাচনী বিধি উলংঘন কৰি ব্যক্তিগত টেলিভিশ্বন চেনেল ‘নিউজ লাইভ’ত সাক্ষাৎকাৰ দিছিল তেতিয়াৰ কেবিনেট মন্ত্ৰী হিমন্ত বিশ্ব শৰ্মাই৷ ২০১৯ চনৰ ১০ এপ্ৰিলৰ সন্ধিয়া ৭.৫৫ বজাত নিউজ লাইভত হিমন্ত বিশ্ব শৰ্মাৰ উক্ত দীঘলীয়া সাক্ষাৎকাৰ সম্প্ৰচাৰ হৈছিল৷ নিৰ্বাচনী আচৰণবিধি ভংগৰ উক্ত কাৰ্যৰ বিৰুদ্ধে অসম প্ৰদেশ কংগ্ৰেছে লিখিতভাৱে দেশৰ নিৰ্বাচন আয়োগৰ লগতে ৰাজ্যিক মুখ্য নিৰ্বাচনী বিষয়াকে অভিযোগ দাখিল কৰিছিল৷

ন্যায়াধীশ ৰুমী কুমাৰী ফুকনৰ এখন বিচাৰপীঠে এই বিষয়টো পৰ্যবেক্ষণ কৰে। ন্যায়াধীশ ৰুমী কুমাৰী ফুকনৰ বিচাৰপীঠে অসমৰ বৰ্তমানৰ মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে ৰুজু কৰা নিৰ্বাচনী বিধি উলংঘন কৰাৰ অভিযোগৰ গোচৰ খাৰিজ কৰে।

উল্লেখ্য যে হিমন্ত বিশ্ব শৰ্মাৰ বিৰুদ্ধে ভাৰতীয় নিৰ্বাচন আয়োগৰ নিৰ্দেশনাৰ লগতে ‘নিউজ লাইভ’ৰ বিৰুদ্ধে মুখ্য ন্যায়িক দণ্ডাধীশ (চিজেএম) কামৰূপ (মেট্ৰ’)ৰ আদালতত অভিযোগ আবেদন দাখিল কৰা হৈছিল।

কামৰূপ মেট্ৰ’ৰ চিজেএমে আৰপি আইনৰ ধাৰা ১২৬(১)(বি)ৰ অধীনত অপৰাধটোৰ গোচৰত মুখ্যমন্ত্ৰী হিমন্ত বিশ্ব শৰ্মা আৰু তেওঁৰ পত্নী ৰিণিকি ভূঞা শৰ্মাক ২,০০০ টকাৰ জৰিমনা আৰোপ কৰিছিল আৰু তেওঁলোকক ২১ মাৰ্চত আদালতত হাজিৰ হ’বলৈ নিৰ্দেশ দিছিল। অৱশ্যে, হিমন্ত বিশ্ব শৰ্মাই তাৎক্ষণিক আবেদনৰ সৈতে এই আদেশক প্ৰত্যাহ্বান জনাই উচ্চ ন্যায়ালয়ত আবেদন জনাইছিল।

আদালতে উল্লেখ কৰিছিল যে অভিযোগকাৰীয়ে তেওঁৰ আৱেদন দাখিল কৰাৰ পিছত অনুপস্থিত আছিল আৰু তেওঁৰ আৱেদনসমৰ্থন কৰি নথিপত্ৰ দাখিল কৰা নাছিল।

হিমন্ত বিশ্ব শৰ্মা আৰু তেওঁৰ পত্নীৰ বিৰুদ্ধে চমন জাৰি কৰাৰ সময়ত আদালতে মূল অভিযোগকাৰীৰ উপস্থিত নাছিল লগতে নিৰ্বাচনী আচৰণ বিধি উলংঘনৰ বিষয়ে আদালতক কি ভিত্তিত নিশ্চিত কৰা হৈছিল তাৰ লিপিবদ্ধ কৰাত ব্যৰ্থ হৈছিল। ইয়াৰোপৰি, বিচাৰপীঠে কয় যে বৰ্তমানৰ বিষয়টোত, ১০ এপ্ৰিল, ২০১৯ত গুৱাহাটীত প্ৰচাৰিত বাতৰিৰ সময়ত, অহা ৪৮ ঘণ্টাত গুৱাহাটীত কোনো ভোটগ্ৰহণ অনুষ্ঠিত হোৱাৰ কথা নাছিল।

লগতে বিচাৰপীঠে কয়, ”তৃতীয় পৰ্যায়ত ২৩ এপ্ৰিল, ২০১৯ত গুৱাহাটীত ভোটগ্ৰহণ অনুষ্ঠিত হৈছিল, আনহাতে অভিযোগ মতে টেলিভিছনত লাইভ সাক্ষাৎকাৰ ১০ এপ্ৰিল, ২০১৯ত সম্প্ৰচাৰিত হৈছিল, আৰু ১১ এপ্ৰিল, ২০১৯ত কোনো ভোটগ্ৰহণ অনুষ্ঠিত হোৱাৰ কথা নাছিল। সেয়েহে, প্ৰথম পৰ্যায়ৰ নিৰ্বাচনৰ ৪৮ ঘণ্টাৰ ভিতৰত ১০এপ্ৰিল, ২০১৯ লাইভ সাক্ষাৎকাৰ হোৱা বুলি উল্লেখ কৰা অভিযোগটো প্ৰযোজ্য নহয় কিয়নো প্ৰচাৰৰ দিনা গুৱাহাটী সমষ্টিত কোনো নিৰ্বাচন হোৱা নাছিল। সেই সাক্ষাৎকাৰটো লাইভ বা ৰেকৰ্ড কৰা হৈছিল বুলি ৰেকৰ্ডত কোনো প্ৰমাণ নাই,”

Subscribe to EastMojo Assam

Enter your email address to receive notifications of new stories by email.

Join 6,596 other subscribers

Leave a comment

Leave a Reply Cancel reply