গুৱাহাটী : ক’ভিডসৃষ্ট পৰিস্থিতিৰ মাজতে গুৱাহাটী মহানগৰীত অব্যাহত আছে সান্ধ্য আইন উলংঘা কৰি যাতায়াত। ক’ভিডৰ নীতি–নির্দেশনা উলংঘাকাৰীৰ বিৰুদ্ধে মহানগৰ আৰক্ষীয়ে ধাৰাবাহিক অভিযান অব্যাহত ৰাখিছে৷
বিগত এটা পষেকতে মহানগৰ আৰক্ষীয়ে যান–বাহন আইন উলংঘাকাৰীৰ বিৰুদ্ধে অভিযান চলাই অভিলেখসংখ্যক ৩৫ লাখ টকা জৰিমনা সংগ্রহ কৰিবলৈ সক্ষম হয়৷ ক’ভিডৰ নীতি–নির্দেশনা আৰু যান–বাহন আইন উলংঘা কৰাৰ অপৰাধত ৩৫ লাখ টকা জৰিমনা সংগ্রহ কৰাৰ লগতে ৪৫০০ নন–এফআইআৰ গোচৰ ৰুজু কৰাৰ লগতে ১১০খন বাহন জব্দ কৰিছে আৰক্ষীয়ে।
লগতে পঢ়ক : মুখ্যমন্ত্ৰীৰ উপহাৰৰ বাৱে অনন্ত শয্যা নিৰ্মাণত ব্যস্ত এগৰাকী শিল্পী
যান–বাহন আইন উলংঘাকাৰীৰ বিৰুদ্ধে প্রতিদিনে মহানগৰ আৰক্ষীয়ে অভিযান অব্যাহত ৰাখিছে৷ ইফাকে ৰাষ্ট্ৰীয় ঘাইপথত বাহনৰ গতি সম্পৰ্কত মুখ্যমন্ত্ৰী হিমন্ত বিশ্ব শৰ্মাই প্ৰতিক্ৰিয়া প্ৰকাশ কৰিছে। মুখ্যমন্ত্ৰীয়ে ৪০ ৰ বিপৰীতে ৬০ লৈকে বাহনৰ গতি বান্ধি দিয়াৰ পৰামৰ্শ দিছে। প্ৰথমে জৰিমনা নহয়, দিয়া হ’ব জাননী, দ্বিতীয় বাৰহে জৰিমনা দিব লাগিব বুলিও কয় মুখ্যমন্ত্ৰীয়ে।