নিউজ ডেস্ক: কাৰ্বি আংলং জিলাত বৃহৎ পৰিমাণৰ অস্ত্ৰ-শস্ত্ৰ আৰু গোলাবাৰুদ উদ্ধাৰ কৰা হৈছে, শনিবাৰে আৰক্ষীয়ে জানিবলৈ দিয়ে।

জিলাখনৰ আৰক্ষী অধীক্ষক সঞ্জীৱ নাৰায়ণে জনোৱা মতে এক গোপন সূত্ৰৰ পম খেদি ডিফু-ধনশিৰি পথৰ সমীপৰ এখন বনাঞ্চলৰ হাতী শিবিৰৰ ভিতৰত পুতি থোৱা অৱস্থাত অস্ত্ৰ-শস্ত্ৰ আৰু গোলাবাৰুদসমূহ উদ্ধাৰ কৰা হয়।

জব্দ কৰা সামগ্ৰীসমূহৰ ভিতৰত আছে দুটা গ্ৰেনেড, ৬৯ টা সক্ৰিয় গুলী AK-47 ৰাইফলৰ এটা মেগাজিন, ১২ টা SLR আৰু দুটা পিষ্টলৰ মেগাজিন।

আৰক্ষীয়ে জনোৱা মতে, প্ৰায় চাৰি মাহ পূৰ্বে উগ্ৰপন্থী সংগঠন ডিমাচা নেচনেল লিবাৰেচন ট্ৰাইবেল (DNLT)-এ এই গোলাবাৰুদ পুতি থোৱা বুলি সন্দেহ কৰা হৈছে।

ইয়াৰ সৈতে উগ্ৰপন্থীসকলক আটক কৰাৰ বাবে আৰক্ষীয়ে অনুসন্ধান চলাই আছে বুলি জানিবলৈ দিয়ে।

লগতে পঢ়ক – মিছ টুৰিজিম এম্বেছাডৰ এছিয়া পেচিফিক ২০২২ খিতাপ অৰ্জন অসম কন্যা দীপ্তি চেত্ৰীৰ

Subscribe to EastMojo Assam

Enter your email address to receive notifications of new stories by email.

Join 6,595 other subscribers

Leave a comment

Leave a Reply Cancel reply