অসম মেঘালয়ৰ সীমাক লৈ উত্তেজিত জনতাক শান্তিপূৰ্ণ ভাবে থাকিবলৈ আহ্বান স্থানীয় বিধায়ক

বৈঠালাংছ: পশ্চিম কাৰ্বি আংলংৰ সীমাতে থকা চুবুৰীয়া ৰাজ্য মেঘালয়ৰ সীমান্তত সঘনে হৈ থকা সীমা বিবাদ সন্দৰ্ভত বুজ ল’বলৈ বৈঠালাংছৰ বিধায়ক ৰূপসিং টেৰণ আজি পুৱাতে উপস্থিত হয় চিনথংত ৷

নিজ গৃহ সমষ্টিৰ অন্তৰ্গত তথা KAAC ৰ পৰিষদীয় সমষ্টিৰ মেঘালয়ৰ সীমান্তৱৰ্তী চিনথংৰ স্থানীয় গাওঁবুঢ়া আৰু বয়োজ্যেষ্ঠ নাগৰিক সকলৰ সৈতে সীমা সমস্যা সম্পৰ্কত মতবিনিময় কৰে বিধায়ক টেৰণে৷

সীমাত অব্যাহত থকা চেপা উত্তেজনাৰ সন্দৰ্ভত সকলোৱে শান্তি- সমপ্ৰীতি অটুট ৰখাৰ বাবে আহ্বান জনায় বিধায়ক গৰাকীয়ে৷ৰাজ্য চৰকাৰে দুই ৰাজ্যৰ সীমা সমস্যাৰ বাবে সময়োচিত পদক্ষেপ লৈছে বুলিও প্ৰকাশ কৰে টেৰণে৷

সীমান্ত এলেকাত সুৰক্ষাবাহিনীৰ সংখ্যা বৃদ্ধি কৰি স্থানীয় ৰাইজক সুৰক্ষা দিবলৈ মুখ্যমন্ত্ৰীলৈ আহ্বান জনাই ৷

সীমান্তত বসবাস কৰি থকা কাৰ্বি আংলংঙৰ জনতাই মেঘালয়লৈ যাব খুজিলে যাব পাৰিব বুলি মন্তব্য কৰাৰ লগতে বিধায়ক গৰাকীয়ে কয় ,কিন্তু সেইসকল লোকে লগত মাটি লৈ যাব নোৱাৰে ৷ আনহাতে মেঘালয়ৰ পৰাও মানুহ আহিব পাৰে কিন্তু তেওলোকেও লগত মাটি লৈ আহিব নালাগে ৷

সীমান্ত পৰিদৰ্শনন বিধায়ক টেৰণক সংগ দিয়ে KAAC ৰ দুই কাৰ্যবাহী সদস্য প্ৰদীপ ৰংপি,ডি উপহিং মাচলাই সহ বিজেপিৰ কেইবা গৰাকী নেতাই৷

লগতে পঢ়ক অসম বিধানসভাৰ নবনিৰ্মাণৰত ভৱনটো কিয় ভাঙিব লগা হ’ল