নিউজ ডেস্কঃ এটা বহু বছৰৰ পুৰণি মন্দিৰত ডকাইতে চলালে লুটপাট। মন্দিৰৰ পুৰোহিতকো ডকাইটৰ দলটোৱে আক্ৰমণ কৰি লুটি নিলে সোণ-ৰূপৰ অলংকাৰ।
এই ঘটনা সংঘটিত হ’ল কৰিমগঞ্জৰ বালিয়াত থকা নৃসিংহ মন্দিৰত।
৩০০বছৰৰ পুৰণি এই মন্দিৰটোত নিশা ৭-৮জনীয়া ডকাইতৰ দলে প্ৰৱেশ কৰি লুট-পাট চলায়।
দুৰ্বৃত্তৰ দলটোৱে মন্দিৰৰ পুৰোহিতৰ পৰিয়ালক বান্ধি বহুতো সোণ-ৰূপৰ আ-অলংকাৰ লুটপাট কৰি নিয়ে।
ভাৰত-বাংলাদেশ সীমান্তত অৱস্থিত এই মন্দিৰটোত পূৰ্বেও কেইবাবাৰো দুৰ্বৃত্তই লুটপাট চলাইছিল।
আৰক্ষীৰ দলে ঘটনা সন্দৰ্ভত তদন্ত আৰম্ভ কৰিছে যদিও এতিয়ালৈকে এজনো দুৰ্বৃত্তক কৰায়ত্ত কৰিবলৈ সক্ষম হোৱা নাই।