নিউজ ডেস্কঃ ২০২২-২৩ কাজিৰঙা ৰাষ্ট্ৰীয় উদ্যানৰ পৰ্যটন বৰ্ষত নতুন অভিলেখ গঢ়িলে বিশ্ব ঐতিহ্যক্ষেত্ৰই । বিগত বৰ্ষৰ ২ অক্টোবৰৰ পৰা আৰম্ভ হোৱা পাঁচমহীয়া ২০২২-২৩ পৰ্যটন বৰ্ষত কাজিৰঙালৈ ২ লাখ ৪০ হাজাৰ ৯২ গৰাকী পৰ্যটক আগমন ঘটে। য’ত বিদেশী পৰ্যটকৰ সংখ্যা ৭ হাজাৰ ১২৬ গৰাকী। যিয়ে পূৰ্বৰ সকলো অভিলেখ ভংগ কৰে।
এই পৰ্যটন বৰ্ষত সংগ্ৰহ হোৱা মুঠ ৰাজহ পৰিমান ৫ কোটি ৯৭ লাখ ২৯ হাজাৰ ৪৮০ টকা। এই তথ্য প্ৰকাশ কৰিছে কাজিৰঙা ৰাষ্ট্ৰীয় উদ্যানৰ সঞ্চালক যতীন্দ্ৰ শৰ্মাই ৷
লগতে, সঞ্চালক গৰাকীয়ে জানিব দিয়া অনুসৰি, বিশ্বৰ বিভিন্ন দেশৰ পৰ্যটক কাজিৰঙালৈ আহিছে যদিও চুইজাৰলেণ্ড আৰু অষ্ট্ৰেলিয়াৰ পৰ্যটকৰ সংখ্যা যথেষ্ট বেছি।
উল্লেখযোগ্য যে, ২০২১-২২ পৰ্যটন বৰ্ষত পৰ্যটকৰ সংখ্যা আছিল ২ লাখ ৩৬ হাজাৰ আৰু ৰাজহ সংগ্ৰহ হৈছিল ৫ কোটি ৪৩ লাখ টকা। য’ত কেৱল মাত্ৰ ৯৬৬ গৰাকী বিদেশী পৰ্যটকৰ আগমন ঘটিছিল।