খুমটাইঃ এগৰাকী কণমানিৰ বিৰল প্ৰতিভা। কণমানিজনীৰ বাঁহীৰ সুৰে মুগ্ধ কৰে অজস্ৰ শ্ৰোতাক। মুৰুলীৰ মিঠা সুৰত ৰজনজনাই চৌদিশ। কণমানি গৰাকী খুমটাইৰ ২ নং শেনছোৱা গাঁৱৰ অলংকৃতা গগৈ। বিহুৰ পৰা আৰম্ভ কৰি দশাৱতাৰ-বিয়ানামলৈকে বাঁহীত সুৰ তোলে অলংকৃতাই। পখিলা খেদা বয়সতে বিৰল প্ৰতিভাৰ অধিকাৰী শিশুগৰাকীয়ে সৃষ্টি কৰিছে অভিলেখ।
লগতে পঢ়কঃটীয়কত নিশা ঘৰৰ মূধচৰ টিং কাটি চোৰৰ চাফাই অভিযান
তৃতীয় শ্ৰেণীত অধ্যয়নৰত ৭ বছৰীয়া অলংকৃতাই আকৰ্ষণীয় ভাৱে প্ৰদৰ্শন কৰে বাঁহীৰ সুৰ। বৰ্তমান খুমটাইৰ বিভিন্ন বিহুমঞ্চত দৰ্শকৰ মন মুহিছে অলংকৃতাই। অলংকৃতাৰ বাঁহীৰ সুৰে এতিয়া জীপাল কৰি তুলিছে ইখনৰ পিছত সিখন বিহু মঞ্চ।