গোলাঘাটঃ মুখ্যমন্ত্ৰীৰ ঘোষণাৰ পিছতেই চুলাই মদৰ ব্যৱসায়ীৰ বিৰুদ্ধে সষ্টম হৈ পৰিছে গোলাঘাটৰ আবকাৰী বিভাগ আৰু আৰক্ষী ৷
জিলাখনৰ খুমটাইত আজিও একাংশ চুলাই ব্যৱসায়ীয়ে অবৈধভাৱে চলাই আছে চুলাই মদৰ ৰমৰমীয়া ব্যৱসায় ৷
খুমটাইৰ আঁঠুকঢ়াচুক এলেকাত আবকাৰী বিভাগ, আৰক্ষী আৰু ৰাজহ চক্ৰ বিষয়াই অভিযান চলাই উচ্ছেদ কৰিলে এটা বৃহৎ চুলাই মদৰ ভাটি ৷
আৰু পঢ়কঃজামুগুৰিহাটত চোৰাং কাঠ ভৰ্ত্তি ট্ৰাক জব্দ
অভিযানকাৰী দলটোৱে চাহ বাগিচাত লুকুৱাই ৰখা প্ৰায় ৮০-৯০ লিটাৰ চুলাই মদ নষ্ট কৰে ৷ কিছুদিনৰ আগতেও খুমটাইৰ আঁঠুকঢ়া চুকত গোলাঘাট আৱকাৰীয়ে চুলাই ভাটি উচ্ছেদ কৰিছিল যদিও বৰ্তমানলৈকে শিক্ষা লোৱা নাই কোনো চুলাই ব্যৱসায়ীয়ে ৷
অতি দুৰ্গম অঞ্চলৰ চুলাই ভাটিটোলৈ আবকাৰী-আৰক্ষী অহাৰ উমান পাই পলায়ন কৰে চতুৰ চুলাই ব্যৱসায়ী ৷