গোলাঘাট জিলাৰ খুমটাইৰ বেতিয়নী কাকতিগাঁৱত পিঞ্জৰাবদ্ধ হ’ল প্ৰকাণ্ড নাহৰফুটুকী ৷ বৰ্তমানলৈকে ১৩-১৪ টাকৈ বাঘ পিঞ্জৰাবদ্ধ হৈছে অঞ্চলটোত। বাঘ চাবলৈ পুৱাই ভিৰ কৰিলে অজস্ৰজনে ৷ কোলাত কেঁচুৱা লৈও বাঘ চাবলৈ আহিলে মহিলা ৷
বেতিয়নী,কাকতিগাঁও, নৰাগাঁও,কৃষ্ণগাঁওত বিগত কেইবাবছৰৰ পৰা অব্যাহত আছে বাঘৰ সন্ত্ৰাস ৷ অঞ্চলটোৰ গৰু-ছাগলীকে ধৰি পশুপক্ষী খাই উদং কৰিছে বাঘে ৷
শেহতীয়াকৈ এই বাঘটোৱেও অঞ্চলটোৰ ৰাইজৰ বহু পোহনীয়া জীৱজন্তু মাৰি সন্ত্ৰাসৰ সৃষ্টি কৰি আহিছিল। বাঘটো পানবাৰীলৈ চিকিৎসাৰ বাবে প্ৰেৰণ কৰিব বুলি বন বিভাগে জানিবলৈ দিয়ে।