মৰাণ: সদৌ অসম চুতীয়া ছাত্ৰ সন্থাৰ ডিব্ৰুগড় জিলা সমিতি আৰু মৰাণ আঞ্চলিক সমিতিৰ উদ্যোগত পঞ্চম বাৰ্ষিক মাঘীমেলাত উখল -মাখল পৰিবেশ ৷
মৰাণৰ মাজবিল-কল্যাণপুৰবাসীৰ সহযোগত দুদিনীয়াকৈ অনুষ্ঠিত হোৱা এই মাঘীমেলাৰ প্ৰথমদিনা মেজি প্ৰজ্বলনৰ পাছতে পৰম্পৰাগত খেলধেমালী অনুষ্ঠিত হয় ৷
ক’ভিড প্ৰটকলৰ মাজেৰে বিয়লি অনুষ্ঠিত হয় সম্বৰ্দ্বনা আৰু বঁটা প্ৰদান অনুষ্ঠান । চুতীয়া ছাত্ৰ সন্থাই প্ৰতিবছৰে প্ৰদান কৰি অহা দেবী চুতীয়া সোঁৱৰণী যুৱ সাংবাদিকতা বঁটা এইবাৰ আগবঢ়োৱা হয় সাংবাদিক ঋষেশ্বৰ বৰুৱাক।
ধৰণী চুতীয়া সোঁৱৰণী সাংস্কৃতিক বঁটা চন্দ্ৰ চুতীয়া আৰু ফনীধৰ চুতীয়া সোঁৱৰণী সামাজিক দায়বদ্ধতা বঁটা ডা: সৰ্বেশ্বৰ ভূঞাক প্ৰদান কৰা হয়।
তদুপৰি অসম গৌৰৱ শিপিনী হেমপ্ৰভা চুতীয়া আৰু ৰাজ্যিক শিক্ষকৰ কৃতি বঁটা প্ৰাপ্ত সতীশ চুতীয়াক এই অনুষ্ঠানত সম্বৰ্দ্বনা জনোৱা হয় ৷ সন্ধিয়া আমন্ত্ৰিত শিল্পীৰ দ্বাৰা সাংস্কৃতিক অনুষ্ঠানত ৰমেন দানহ, ৰিদিপ ৰংকিতকে ধৰি কেইবাগৰাকীয়ো জনপ্ৰিয় শিল্পীয়ে গীত পৰিবেশন কৰে ৷
লগতে পঢ়ক–নিয়ন্ত্ৰণহীন গুৱাহাটীৰ চিটি বাছৰ খুন্দাত থিতাতে নিহত এজন