নগাঁওঃ জামিন লাভ কৰিলে ৰাণা প’গাগে। নগাঁও সদৰ থানাত তৰা গোচৰত জামিন পালে প’গাগে৷ জামিন লাভৰ পাছতে পুনৰ মাজুলী আৰক্ষীয়ে আন এটা গোচৰত গ্ৰেপ্তাৰ কৰি মাজুলীলৈ লৈ যায় প্ৰৱঞ্চক ৰাণা প’গাগক৷
উল্লেখ্য যে, ONGCত চাকৰি কৰাৰ ভুৱা পৰিচয়ৰে বিভিন্নজনক ঠিকা আৱন্টন দিয়াৰ নামত লাখ লাখ টকা সংগ্ৰহ কৰি প্ৰৱঞ্চনাৰ জাল মেলিছিল ৰাণা প’গাগে৷ ইয়াৰ পিছতে বিতৰ্কিত SI জোনমনি ৰাভাই ভাবী স্বামী প্ৰৱঞ্চক ৰাণা প’গাগৰ বিৰুদ্ধে দিয়া এজাহাৰৰ ভিত্তিত ৫২৭/২২ নম্বৰত গোচৰ ৰুজু কৰি গ্ৰেপ্তাৰ কৰিছিল নগাঁও আৰক্ষীয়ে ।
নগাঁও আদালতে জামিন দিছিল প্ৰৱঞ্চক ৰাণা প’গাগক। নগাঁও সদৰ থানাত ৰুজু হোৱা গোচৰত জামিন দিলে যদিও, দেওবাৰে নগাঁও বিশেষ কাৰাগাৰৰ পৰা আন এটা গোচৰত প্ৰৱঞ্চক ৰাণাক গ্ৰেপ্তাৰ কৰে মাজুলী আৰক্ষীয়ে