মানকাচৰ: মানকাচৰৰ তেলিপাৰাৰ নিৰ্মীয়মান পকী দলং খন নিৰ্মাৰ্ণত ব্যাপক দুৰ্নীতিৰ অভিযোগ স্থানীয় ৰাইজৰ । ৰাজ্যৰ অন্যতম পিছপৰা জিলা মানকাচৰৰ প্ৰতিটো কামতেই যেন এতিয়া দুৰ্নীতি আৰু অনিয়ম ।
ৰাইজে বহুবাৰ এইক্ষেত্ৰত আবেদন নিবেদন কৰিও সুফল নাপালে | যোগাযোগ ব্যবস্থাও জিলা খনত তথৈবছ, এনে সময়ত নিৰ্মাণ কৰা পকী দলং খনতো চলা দুৰ্নীতিক লৈ
বিভিন্ন ধৰণৰ শ্লোগানেৰে পৰিৱেশ উত্তাল কৰিলে স্থানীয় যুৱ সমাজে ।
আজিৰ পৰা প্ৰায় ১ বছৰ আগতে পুৰান দিয়াৰা গাঁও পঞ্চায়তৰ অন্তৰ্গত তেলিপাৰাত পকী দলঙৰ নিৰ্মাণৰ কাম আৰম্ভ কৰা হৈছিল ।
স্থানীয় ৰাইজৰ অভিযোগ মতে অতি নিম্নমানৰ সামগ্ৰীৰে কাম কৰি আছে ঠিকাদাৰে ।
ঠিকাদাৰৰ এনে মইমতালিৰ বিৰুদ্ধে থিয় দিছে পুৰান দিয়াৰাৰ যুৱ প্ৰজন্মই ।
চৰকাৰৰ প্ৰতি আহ্বান যুৱ সমাজৰ । উন্নত মানদণ্ডৰ সামগ্ৰীৰে সম্পূৰ্ণ কৰিব লাগে পকী দলং খন। স্থানীয় বিধায়ক গৰাকীয়েও এই ক্ষেত্ৰত চকু দিবলৈও দাবী জনাইছে |
লগতে পঢ়ক আজি পবিত্ৰ দিন “বুদ্ধ পূৰ্ণিমা”!চলাপথাৰ বৌদ্ধ বিহাৰত ২৫৬৫ সংখ্যক ‘বুদ্ধ পূৰ্ণিমা’ পালন