জামুগুৰিহাটঃ হেকাৰৰ কবলত পৰিছে জামুগুৰিহাটৰ বহুকেইগৰাকী লোক।

যোৱা কিছুদিন ধৰি কোনো দুষ্ট চক্ৰই জামুগুৰিহাটৰ বিভিন্নজন ব্যক্তিৰ বেংকৰ পৰা গোপনে টকা উলিয়াই নিয়াৰ ঘটনা সংঘটিত হৈ আহিছে ৷

বেংকৰ পৰা হেক কৰি টকা উলিয়াই নিয়াৰ সন্দৰ্ভত ভূক্তভোগী সকল বেংক কৰ্তৃপক্ষৰ ওচৰ চাপে যদিও কোনোধৰণৰ সহাৰি নোপোৱাৰ অভিযোগ উত্থাপন হৈছে ৷

তেনে এক ঘটনা সংঘটিত হৈছে জামুগুৰিহাটৰ ৰঙাচকুৱাত ৷ ৰঙাচকুৱাৰ ১নং বাটমাৰীৰ পুনম সিং নামৰ ব্যক্তিজনৰ ভাৰতীয় ষ্টেট বেংকৰ 34821184243 একাউণ্ট নম্বৰৰ পৰা নগদ ৩৩,৫০০ টকা দুষ্ট চক্ৰই হেক কৰে ৷

লগতে পঢ়কঃ দৰঙত বৃহৎ পৰিমাণৰ বিলাতী সুৰা জব্দ

পুনম সিঙে ভাৰতীয় ষ্টেট বেংক ৰঙাচকুৱা শাখাত অৱগত কৰাৰ পাছতো বেংকৰ পৰিচালক গৰাকীয়ে গ্ৰাহকজনৰ কথাত কোনো ধৰণৰ গুৰুত্ব প্ৰদান নকৰাৰ অভিযোগ উঠিছে ৷

অৱশেষত পুনম সিং জামুগুৰি আৰক্ষীৰ কাষ চপা পৰিলক্ষিত হৈছে ৷ সাধাৰণ ব্যৱসায়ৰে জীৱন নিৰ্বাহ কৰা পুনমে অতি কষ্টৰে বেংকত জমা থোৱা ধনকেইটা হৰলুকি হোৱাত দুখত ভাগি পৰিছে পুনমৰ লগতে সমগ্ৰ পৰিয়ালটি ৷ আনহাতে এই অঞ্চলতে সঘনাই এনে ঘটনা সংঘটিত হৈ থকাত শংকিত হৈ পৰিছে অঞ্চলটোৰ ৰাইজ।

Subscribe to EastMojo Assam

Enter your email address to receive notifications of new stories by email.

Join 5,283 other subscribers

Leave a comment

Leave a Reply