নিউজ ডেস্কঃ বিধায়ক আশ্ৰাফুল হুছেইনক অন্তৱৰ্তীকালীন জামিন প্ৰদান কৰিছে গুৱাহাটী উচ্চ ন্যায়ালয়ে। বৰপেটাৰ চেঙা সমষ্টিৰ এজন বিধায়ক আশ্ৰাফুল হুছেইনক তেওঁৰ চৰকাৰী কোৱাৰ্টাৰত এগৰাকী যুৱতীক অপহৰণ আৰু ধৰ্ষণৰ গোচৰত জড়িত থকাৰ অভিযোগ উত্থাপিত হৈছিল।
ইফালে, দিছপুৰ আৰক্ষী থানাত এটা অভিযোগ দাখিল কৰা হৈছিল। এই অভিযোগ অনুসৰি ৰিতুল হুছেইন নামৰ অভিযুক্তজনে ২০২২ চনৰ ১৯ জুলাইত অভিযোগকাৰীৰ জীয়েকক অপহৰণ কৰিছিল।
লগতে ২৫ জুলাইত গুৱাহাটীৰ অসম সচিবালয়ত বিধায়ক আশ্ৰাফুল হুছেইনৰ চৰকাৰী কোৱাৰ্টাৰলৈ লৈ গৈছিল য’ত তেওঁলোকে নিশাটো কটাইছিল বুলি অভিযোগ কৰা হৈছিল।
আনহাতে, অভিযোগকাৰীয়ে দাবী কৰিছিল যে- বিধায়ক আশ্ৰাফুল হুছেইন অপহৰণৰ মূল সূত্ৰধাৰ আছিল আৰু অনলাইন লেনদেনৰ জৰিয়তে অভিযুক্তক অধিক পৰিশোধ কৰিছিল।
ইতিমধ্যে সকলো তদন্তৰ পাছত আজি চেঙা সমষ্টিৰ বিধায়ক আশ্ৰাফুল হুছেইনক গুৱাহাটী উচ্চ ন্যায়ালয়ে জামিন ঘোষণা কৰে।