আমিনগাঁও : কামৰূপৰ চৰকাৰী চিকিৎসাৰ অন্যতম প্ৰতিষ্ঠান আমিনগাঁৱৰ তুলাৰাম বাফনা কামৰূপ জিলা অসামৰিক চিকিৎসালয়ত আয়ুৰ্বেদিক শল্য চিকিৎসাৰ বাবে আজি এটা বহিঃ বিভাগ সন্নিবিষ্ট ক্ষাৰ সূত্ৰ শল্য কৰ্ম কক্ষ আনুষ্ঠানিকভাৱে শুভ উদ্বোধন কৰা হয়৷ কামৰূপ জিলাৰ উপায়ুক্ত কৈলাশ কাৰ্তিক এনে উদ্বোধন কৰা এই কেন্দ্ৰটিত অৰ্শ (Piles), ভগন্দৰ (Anal Fistula) আৰু ফিচাৰ (Anal Fissure)ৰ চিকিৎসা কৰা হ’ব৷

চিকিৎসা কেন্দ্ৰটি উদ্বোধন কৰি উপায়ুক্ত কাৰ্তিকে এই ব্যৱস্থা কাৰ্যক্ষম কৰাৰ বাবে চিকিৎসা কৰ্তৃপক্ষৰ শলাগ লয় আৰু কেন্দ্ৰটি পৰিদৰ্শন কৰি ইয়াৰ জৰিয়তে আগবঢ়াবলগীয়া সেৱা পদ্ধতি সম্পৰ্কত বুজ লয়৷

কেন্দ্ৰটি উদ্বোধনৰ পিছতে সংবাদসেৱীসকলৰ সৈতে হোৱা বাৰ্তালাপত উপায়ুক্তগৰাকীয়ে ওপৰত উল্লেখিত ৰোগত আক্ৰান্ত জিলাখনৰ লোকসকলক এই সুবিধা গ্ৰহণ কৰি ৰোগমুক্ত হোৱাৰ বাবে আগবাঢ়ি আহিবলৈ আহ্বান জনায়৷ উপায়ুক্তগৰাকীয়ে চিকিৎসালয়খনত চলি থকা নতুন অট্টালিকাটোৰ নিৰ্মাণ কাৰ্যৰো বুজ লয়৷

আজিৰ উদ্বোধনী অনুষ্ঠানত জিলাখনত কৰ্মৰত স্বাস্থ্য বিভাগৰ যুটীয়া সঞ্চালক ডাঃ গুণীন্দ্ৰ দেৱ শৰ্মা, আয়ুসৰ কামৰূপৰ নডেল বিষয়া ডাঃ অৰবিন্দ দাসকে চিকিৎসা বিভাগৰ বিষয়া-কৰ্মচাৰী তথা চিকিৎসকসকল উপস্থিত থাকে৷

লগতে পঢ়ক- গুৱাহাটী পৌৰনিগম নিৰ্বাচনৰ চুড়ান্ত ভোটাৰ তালিকা প্ৰকাশ

Subscribe to EastMojo Assam

Enter your email address to receive notifications of new stories by email.

Join 6,479 other subscribers

Leave a comment

Leave a Reply Cancel reply