বহুজাতিক কোম্পানী অ’লা–উবেৰ কর্তৃপক্ষই বছৰৰ পাছত বছৰ ধৰি কেবচালকসকলক লুণ্ঠন চলাই অহাৰ গুৰুতৰ অভিযোগ উত্থাপন কৰি সদৌ গুৱাহাটী কেবচালক সন্থাই অহা ১ আগষ্টৰ পৰা অ’লা–উবেৰ বর্জনৰ সিদ্ধান্ত গ্রহণ কৰে ৷ কেবচালক সন্থাই অ’লা–উবেৰ কর্তৃপক্ষৰ বিৰুদ্ধে ধাৰাবাহিকভাৱে প্রতিবাদ সাব্যস্ত কৰি আহিছে যদিও অ’লা–উবেৰ কর্তৃপক্ষই তেওঁলোকৰ দাবীসমূহ গুৰুত্ব নিদিয়াৰ অভিযোগ ৷

গুৱাহাটী মহানগৰীত অ’লা আৰু উবেৰত প্রায় ১৫ হাজাৰ শিক্ষিত নিবনুৱাই এটা সময়ত কেব চলাই পৰিয়াল পোহপাল দি আহিছিল৷ কিন্তু অ’লা–উবেৰ কর্তৃপক্ষই কোনো গুৰুত্ব নিদিয়াৰ বাবেই বর্তমান ৫ হাজাৰ চালকেহে অ’লা–উবেৰত কেব চলাই আছে৷ বিগত ৩ বছৰ ধৰি বহুজাতিক কোম্পানী অ’লা–উবেৰে কেবচালকসকলক চলাই অহা শোষণৰ বাবে অহা ১ আগষ্টৰ পৰা অ’লা–উবেৰ বর্জনৰ দৰে চৰম সিদ্ধান্ত গ্রহণ কৰিছে |

সদৌ গুৱাহাটী কেবচালক সন্থাৰ সভাপতিয়ে জানিবলৈ দিয়া মতে, অহা ১ আগষ্টৰ পৰা অ’লা–উবেৰ বর্জন কৰি গুৱাহাটীৰ কেবচালকসকলে পে–ইণ্ডিয়া(Pe-india) নামৰ কোম্পানীটোৰ সৈতে চুক্তিবদ্ধ হ’ব ৷

গুৱাহাটীৰ যুৱ ব্যৱসায়ী ৰবি চৌধুৰী মালিকাধীন পে–ইণ্ডিয়া নামৰ কোম্পানীটোৱে পৰীক্ষামূলকভাৱে পে–ইণ্ডিয়া কেব গুৱাহাটীত চলাই আছে৷ এতিয়ালৈকে প্রায় ২ হাজাৰ কেবচালকে পে–ইণ্ডিয়াত পঞ্জীয়ন কৰিছে৷ অহা ১০–১৫ দিনৰ ভিতৰত গুৱাহাটীত পে–ইণ্ডিয়া কেব আনুষ্ঠানিকভাৱে গ্রাহকৰ বাবে মুকলি কৰিব৷
পে–ইণ্ডিয়াত পঞ্জীয়নভুক্ত কেবচালকসকলে ৫০০ টকাৰ ওপৰত ভাৰা মাৰিলে প্রতিদিনে জিএছটিসহ ১১৮ টকা আদায় দিব লাগিব৷ ৫০০ টকাৰ তলত ভাৰা মাৰিলে চালকসকলে কোম্পানীক কোনো ধৰণৰ মাচুল আদায় দিব নালাগে৷

বহুজাতিক কোম্পানী অ’লা–উবেৰ ত্যাগ কৰি থলুৱা কেবে গ্ৰাহকক কেনেদৰে সন্তোষ্ট কৰিব পাৰে অথবা চালকসকলক কেনেদৰে উপকৃত কৰিব সেয়া সময়তহে লক্ষণীয় হ’ব ৷

লগতে পঢ়ক কলাক্ষেত্ৰত ‘প্ৰাৰ্থনা’ আঁচনিৰ শুভ উদ্বোধন কেন্দ্ৰীয় গৃহমন্ত্ৰী অমিত শ্বাহৰ

Subscribe to EastMojo Assam

Enter your email address to receive notifications of new stories by email.

Join 5,285 other subscribers

Leave a comment

Leave a Reply