কোভিদ পৰিস্থিতিৰ বাবে ৰাজ্যত সম্প্ৰতি বাহাল থকা বাধা-নিষেধ অহা ১৫ জুন পৰ্যন্ত একেদৰেই বাহাল থাকিব। পৰিস্থিতি পৰ্যালোচনা কৰি ১৫ জুনৰ পিছত একাংশ জিলাত বাধা-নিষেধ শিথিল কৰাৰ ইংগিত দিলে স্বাস্থ্য মন্ত্ৰী কেশৱ মহন্তই। ৰাজ্যত কোৰোনাৰ সংক্ৰমণৰ সংখ্যা ক্ৰমান্বয়ে হ্ৰাস পাইছে । স্বাস্থ্য বিভাগৰ এক সূত্ৰ অনুসৰি জানিব পৰা মতে, ১৪ জুনত আনল’কৰ এই নতুন নীতি-নিৰ্দেশনা জাৰি কৰিব।

কামৰূপ মেট্ৰ’, মাজুলী, চিৰাং, দক্ষিণ শালমাৰা, পশ্চিম কাৰ্বি আংলং এই ৫ জিলাত সান্ধ্য আইন শিথিল কৰাৰ সম্ভাৱনা আছে। পূৰ্বতে ৰাজ্যজুৰি ১২ বজালৈকে দোকান-পোহাৰ খোলাৰ অনুমতি দিয়া হৈছিল যদিও নতুন এছ অ’ পি মতে এই ৫ জিলাত আবেলি ৩ বজালৈকে দোকান-পোহাৰ খোলাৰ অনুমতি প্ৰদান কৰিব ৰাজ্য চৰকাৰে।

আজিৰ দিনটোত আক্ৰান্তৰ সংখ্যা হ্ৰাস পাইছে , দিনটোত আক্ৰান্তৰ সংখ্যা ২১৬৭ জন । কামৰূপ মেট্ৰ’ত আক্ৰান্ত হৈছে ২২৬ গৰাকী । আক্ৰান্তৰ হাৰ ২.১৬ শতাংশ। দিনটোত মৃত্যু হোৱা লোকৰ সংখ্যা ৩৬ জন ।

লগতে পঢ়ক ক্ষমতা গ’ল যদিও দম্ভ এৰা নাই প্ৰাক্তন ৰাষ্ট্ৰপতি ড’নাল্ড ট্ৰাম্পে

Subscribe to EastMojo Assam

Enter your email address to receive notifications of new stories by email.

Join 6,394 other subscribers

Leave a comment

Leave a Reply Cancel reply