কামপুৰঃ কোৰোনা মহামাৰীৰ মাজতে নগাঁৱৰ ৰাঙলু গড়াবাৰীত শোকাৱহ ঘটনা ৷ পথৰ কাষত থকা নলাত পৰি এটি ৬ বছৰীয়া শিশুয়ে কৰুণ মৃত্যুক আকোৱালি লয় ৷
নিহত শিশুটি হবিবুৰ ৰহমানৰ পুত্ৰ মক্সিদুল হক ৷ সমনীয়াৰ সৈতে খেলি থকা অৱস্থাত হঠাৎ পথৰ কাষত থকা নলাত পৰি যায় শিশুটি ৷
আৰু পঢ়কঃবিশিষ্ট চলচ্চিত্ৰ পৰিচালক দাৰা আহমেদৰ দেহাৱসান
পিতৃ -মাতৃয়ে সকলোতে সন্ধান কৰিও শিশুটিৰ সন্ধান নাপায় ৷ অৱশেষত নলাটোৰ পৰা উদ্ধাৰ কৰে শিশুটিৰ মৃতদেহ৷
শিশুটিৰ মৃতদেহ উদ্ধাৰ হোৱাৰ লগে লগে এক হুলস্থুলীয়া পৰিবেশৰ সৃষ্টি হয় ৷ কঠিয়াতলী আৰক্ষীয়ে শিশুটিৰ মৃতদেহ মৰনোত্তৰ পৰীক্ষাৰ বাবে নগাঁৱলৈ প্ৰেৰণ কৰিছে ৷