ভাৰত বাংলাদেশ সীমান্তত দীৰ্ঘদিনৰ পৰা চলি থকা গৰুৰ ছিন্ডিকেট আৰু শেহতীয়া ভাবে ৰাজ্যত চলি থকা ড্ৰাগছ বিৰোধী কাৰ্যৰ সৈতেও জড়িত থকাৰ অভিযোগত আজি ধুবুৰীৰ এজন আৰক্ষী বিষয়াক গ্ৰেপ্তাৰ কৰিছে | বিষয়াজন হ’ল জিলাখনৰ উপ আৰক্ষী অধীক্ষক যতীন দাস |

এক গোপন তথ্যৰ ভিত্তিত ধুবুৰী জিলা নৱ নিযুক্ত আৰক্ষী অধীক্ষক গৌৰৱ অভিজিৎ দিলীপৰ নিৰ্দেশত আটক কৰা হয় ছিণ্ডিকেটৰ সৈতে জড়িত ৰফিকুল প্ৰামাণিক নামৰ এজন যুৱকক । তেওঁৰ ঘৰত অভিযান চলাই ৪.২১ লাখ টকা উদ্ধাৰ কৰাৰ পিছতে আৰক্ষীয়ে গ্ৰেপ্তাৰ কৰে ধুবুৰী জিলা (সীমান্ত) উপ আৰক্ষী অধীক্ষক যতীন দাসক ।

আৰক্ষী বিষয়াজনৰ বাসগৃহৰ পৰা আৰক্ষীয়ে উদ্ধাৰ কৰে ৫৬ হাজাৰ টকা । তাৰ পিছতেই আৰক্ষী বিষয়াসহ দুজনক গ্ৰেপ্তাৰ কৰি ধুবুৰী সদৰ আৰক্ষী থানাত প্ৰাৰম্ভিক জেৰা চলাই | ৮৮১/২১ নম্বৰত ভাৰতীয় দণ্ডবিধি আইনৰ অধীনত ১২০(বি)/৪০৯ ধৰাত গোচৰ ৰুজু কৰা হয় । সোমবাৰে আবেলি দুয়োকে ধুবুৰী আদালতত হাজিৰ কৰোৱা হয় ।

লগতে পঢ়ক ৰাজ্যৰ পঞ্চায়ত আৰু গ্ৰামোন্নয়ন বিভাগত দিয়া হ’ব বৃহত্‍ নিযুক্তি

Subscribe to EastMojo Assam

Enter your email address to receive notifications of new stories by email.

Join 5,279 other subscribers

Leave a comment

Leave a Reply