গুৱাহাটীঃ অসমৰ মুখ্যমন্ত্ৰী হিমন্ত বিশ্ব শৰ্মা, সদগুৰু আৰু অন্যান্যসকলৰ বিৰুদ্ধে কাজিৰঙা ৰাষ্ট্ৰীয় উদ্যানত দেওবাৰে সন্ধিয়াৰ পিছত জীপ চাফাৰীৰ সময়ত বন্যপ্ৰাণী সুৰক্ষা আইন উলংঘা কৰাৰ অভিযোগত আৰক্ষীয়ে অভিযোগ দাখিল কৰিছে।

ৰাষ্ট্ৰীয় উদ্যানৰ প্ৰান্তৰ গাওঁসমূহত বাস কৰা স্থানীয়লোকে গোলাঘাট জিলাৰ বোকাখাত আৰক্ষী থানাত অভিযোগ দাখিল কৰিছিল।

এগৰাকী জ্যেষ্ঠ আৰক্ষী বিষয়াই কয় যে আমি বিষয়টোৰ তদন্ত আৰম্ভ কৰিছো। কাজিৰঙা ৰাষ্ট্ৰীয় উদ্যানৰ বন বিভাগৰ অধীনত পৰাৰ লগে লগে, আমি উদ্যানখনৰ বিভাগীয় বন বিষয়াৰ অভিযোগৰ স্থিতি বিচাৰিছো।

“মানুহে অভিযোগ দাখিল কৰাৰ অধিকাৰ আছে। এই অভিযোগৰ ওপৰত ভিত্তি কৰি এটা অনুসন্ধান কৰা হ’ব। কিন্তু বিষয়টো চোৱাৰ আগতে, আমি এই সন্দৰ্ভত কোনো মন্তব্য দিব নোৱাৰো বুলি আৰক্ষীগৰাকী উল্লেখ কৰে ।

উল্লেখ্য যে, এই অভিযোগ দাখিল কৰিছিল কাজিৰঙাৰ মৰঙিয়াল গাঁৱৰ বাসিন্দা সোণেশ্বৰ নৰহ আৰু বালিজান আদৰ্শ গাঁৱৰ বাসিন্দা প্ৰবীণ পেগুৱে। অভিযোগ নামাত দাখিল কৰা হৈছে যে সন্ধিয়াৰ পিছত গাড়ীৰ হেডলাইট জ্বলাই জীপ চাফাৰী কৰা মানে “বন্যপ্ৰাণী সুৰক্ষা আইন, ১৯৭২ উলংঘন” কৰা।

তেওঁলোকে জীপ চাফাৰীত অংশ হোৱা সদগুৰু জগদীশ ‘জাগ্গী’ বাসুদেৱ, শৰ্মা, ৰাজ্যৰ পৰ্যটন মন্ত্ৰী জয়ন্তমল্ল বৰুৱা আৰু অন্যান্যসকলকো তাৎক্ষণিকভাৱে গ্ৰেপ্তাৰ কৰিবলৈ দাবী জনাইছে।

অন্যথা, তেওঁলোকে আইন ভংগ কৰাৰ অভিযোগত ৰাজহুৱাভাৱে ক্ষমা বিচৰাৰ দাবী জনাইছে।

অভিযোগকাৰীদুজনে পৰ্যটকসকলৰ বাবে নিৰ্ধাৰিত সময় শেষ হোৱাৰ পিছত উদ্যানখনত প্ৰৱেশ কৰা আৰু হেডলাইট জ্বলাই জীপ চলাই থকাৰ বাবে সদগুৰুৰ বিৰুদ্ধে কঠোৰ ব্যৱস্থা গ্ৰহণৰ দাবী জনাইছিল।

সোণেশ্বৰ নৰহ আৰু প্ৰবীণ পেগুৱে কয় যে কাজিৰঙাৰ কাষৰীয়া গাঁৱৰ বাসিন্দা সকলে উদ্যানখনৰ সুৰক্ষাৰ বাবে বহুতো কষ্ট সহ্য কৰিছে আৰু সদায় নিয়ম আৰু আইন মানি চলিছে। কিন্তু ভিআইপিসকলৰ দ্বাৰা আইনৰ প্ৰতি অৱজ্ঞা সহ্য কৰা নহ’ব।

Subscribe to EastMojo Assam

Enter your email address to receive notifications of new stories by email.

Join 6,587 other subscribers

Leave a comment

Leave a Reply Cancel reply