হোজাই : ক’ভিডসৃষ্ট পৰিৱেশৰ বাবে বন্ধ হৈ থকা হাট-বজাৰ সমূহ শীঘ্ৰে মুকলি কৰাৰ দাবীত হোজাইত উত্তাল প্ৰতিবাদ। হাতে হাতে বেনাৰ, পোষ্টাৰ লৈ হোজাই চহৰৰ মাজেৰে শতাধিক লোকৰ প্ৰতিবাদী সমদল।
ক’ভিডসৃষ্ট পৰিৱেশৰ বাবে বন্ধ হৈ থকা ৰাজ্যৰ হাট-বজা সমূহ শীঘ্ৰে খুলি দিয়াৰ দাবীত সৰব হৈ পৰিল হোজাই মহকুমা হাঠুৰেয়া সুৰক্ষা সমিতি৷ সোমবাৰে ক্ষুদ্ৰ ব্যৱসায়ী সকলে হাতত বেনাৰ, পোষ্টাৰ লৈ হোজাই চহৰৰ মাজমজিয়াত এক প্ৰতিবাদী সমদল উলিয়াই হাট-বজাৰ খুলি দিয়াৰ দাবী জনায়।
লগতে পঢ়ক : ধন দাবীৰ অভিযোগত আটক শিক্ষা বিভাগৰ কৰ্মচাৰী
প্ৰতিবাদকাৰী ব্যৱসায়ী সকলৰ দাবী ক’ভিডসৃষ্ট পৰিৱেশৰ বাবে দোকান-বজাৰ সমূহ বন্ধ আছিল যদিও শেহতীয়াকৈ পৰিৱেশ স্বাভাৱিক হোৱাৰ প্ৰতি লক্ষ্য ৰাখি দোকান-বজাৰ সমূহ সম্পূৰ্ণ খুলি দিব লাগে৷ আনহাতে হাট-বজাৰৰ নামত এখন বৰ্ড গঠন কৰি ব্যৱসায়ী সকলৰ তৎকালীনভাৱে অনুজ্ঞাপত্ৰ দিয়াৰো দাবী জনায় প্ৰতিবাদকাৰী সকলে।