গুৱাহাটী : প্ৰদেশ কংগ্ৰেছৰ মহাত্মা গান্ধী আৰু লাল বাহাদুৰ শাস্ত্ৰীৰ জন্ম জয়ন্তী উদযাপন। অসম প্ৰদেশ কংগ্ৰেছ কমিটীৰ মুখ্য কাৰ্যালয় ৰাজীৱ ভৱনত শনিবাৰে মহামানৱ মহাত্মা গান্ধী আৰু লাল বাহাদুৰ শাস্ত্ৰীৰ প্ৰতিকৃতিত বন্তি প্ৰজ্বলনৰ লগতে পুষ্পাঞ্জলি প্ৰদানেৰে কাৰ্যসূচী আৰম্ভ কৰা হয়। ইয়াৰ পিছতে এক সৰ্বধৰ্ম প্ৰাৰ্থনা অনুষ্ঠিত কৰা হয়।
প্ৰাৰ্থনা সমাপ্তিৰ পিছত অসম প্ৰদেশ কংগ্ৰেছ কমিটীৰ দ্বাৰা গঠিত ৭৫ তম্ স্বাধীনতা বৰ্ষ উদযাপন সমিতিৰ উদ্যোগত এক গাম্ভীৰ্য্যপূৰ্ণ পৰিৱেশত জাতিৰ পিতা মহাত্মা গান্ধী আৰু দেশৰ দ্বিতীয় গৰাকী প্ৰধানমন্ত্ৰী লালবাহাদুৰ শাস্ত্ৰীলৈ শ্ৰদ্ধাঞ্জলি অৰ্পণ কৰা হয়। শ্ৰদ্ধাঞ্জলি অৰ্পণৰ পিছতে এক স্মৃতিচাৰণ সভা অনুষ্ঠিত হয়। প্ৰাক্তন মন্ত্ৰী শৰৎ বৰকটকীয়ে সভাপতিত্ব কৰা উক্ত সভাত বিশিষ্ট শিক্ষাবিদ, সাহিত্যিক ড০ দয়ানন্দ পাঠক।আমন্ত্ৰিত বক্তা হিচাপে এক তত্বগধূৰ বক্তব্য দাঙি ধৰে।
প্ৰাক্তন সাংসদ বলীন কুলি দেৱে আঁত ধৰা সভাত প্ৰাক্তন সাংসদ দ্বীজেন শৰ্মাই উদ্দেশ্যে ব্যাখ্যা কৰে। সমিতিৰ আহ্বায়ক নৃপেন ঠাকুৰীয়াই সম্বৰ্দ্ধনা অনুষ্ঠান পৰিচালনা কৰে। সভাত বিৰোধী দলপতি দেৱব্ৰত শইকীয়া আৰু সাংসদ আব্দুল খালেকে গান্ধীজী আৰু লালবাহাদুৰ শাস্ত্ৰীৰ কৰ্মৰাজি আৰু দৰ্শনৰ ওপৰত আলোকপাত কৰে। সমিতিৰ হৈ সভাপতি শৰৎ বৰকটকীয়ে সভাপতিৰ ভাষণ প্ৰদান কৰে।
লগতে পঢ়ক : হাইলাকান্দিত দুই দালাল মিলি বিক্ৰী কৰিলে চৰকাৰী ভূমি
সভাৰ হৈ সাধাৰণ সম্পাদক অপূৰ্ব কুমাৰ ভট্টাচাৰ্য্যই শলাগৰ শৰাই আগবঢ়ায়। । বিধায়ক আব্দুল বাতেন খন্দকৰ, প্ৰাক্তন মন্ত্ৰী আবু চালেহ নজমুদ্দিন, নুৰজামাল চৰকাৰ, চিৰাজুল হুছেইন শইকীয়া, মেহদী আলম বৰা, ড০ অশ্বিন মহন্ত, গুৱাহাটী মহানগৰ জিলা কংগ্ৰেছৰ সভাপতি স্বপন দাস প্ৰমুখ্যে বহু জ্যোষ্ঠ নেতা-কৰ্মীয়ে অংশগ্ৰহণ কৰে।