গুৱাহাটীঃ ২০২১ বৰ্ষৰ সাহিত্য অকাডেমি বঁটা ঘোষণা। অসমৰ ড° পৰী হিলৈদাৰী, ড° ইন্দিৰা বড়ো আৰু ড° সঞ্জীৱ উপাধ্যায়লৈ আগবঢ়োৱা হৈছে সাহিত্য অকাডেমি বঁটা। সন্দিকৈ ছোৱালী মহাবিদ্যালয়ৰ ইংৰাজী বিভাগৰ অধ্যাপিকা পৰী হিলৈদাৰীয়ে মামং দাইৰ The legends of pensam গ্ৰন্থৰ অসমীয়া অনুবাদ ” দাঁতি পাৰৰ মানুহ” শীৰ্ষক গ্ৰন্থৰ বাবে এই বিশেষ সন্মান লাভ কৰে।

বড়োলেণ্ড বিশ্ববিদ্যালয়ৰ ভাষাগুৰু ড° ইন্দিৰা বড়োই অনুবাদ সাহিত্যৰ বাবে বড়ো ভাষাত সাহিত্য অকাডেমী বঁটা লাভ কৰি সুনাম কঢ়িয়াই আনিছে৷  তেওঁ শিৱসাগৰ মহাবিদ্যালয়ৰ প্ৰয়াত অধ্যাপিকা ড° জয়ন্তী গগৈৰ “হিড়িম্বা” গ্ৰন্থ খন বড়ো ভাষালৈ অনুবাদ কৰিছিল ৷

আনহাতে, বিশিষ্ট সাহিত্যিক তথা ত্যাগবীৰ হেম বৰুৱা মহাবিদ্যালয়ৰ অধ্যাপক ড° সঞ্জীৱ উপাধ্যায়ে বিশিষ্ট সাহিত্যিক হোমেন বৰগোহাঞিৰ “পিতা-পুত্ৰ” উপন্যাসখন নেপালী ভাষাত অনুবাদ কৰি এই বঁটা লাভ কৰিবলৈ সক্ষম হৈছে।

Subscribe to EastMojo Assam

Enter your email address to receive notifications of new stories by email.

Join 6,390 other subscribers

Leave a comment

Leave a Reply Cancel reply