শিৱসাগৰঃ ঐতিহাসিক জয়সাগৰ পুখুৰীৰ দক্ষিণ পাৰ সংকটত । যিকোনো মূহুৰ্ততে খহি পৰিব পাৰে পুখুৰীটোৰ পাৰৰ এটা অংশ।

উল্লেখ্য যে, আহোম স্বৰ্গদেউ ৰুদ্ৰসিংহই মাতৃ জয়মতীৰ সোঁৱৰণত এই বিশালকায় পুখুৰীটো খন্দোৱাইছিল ৷ কিন্তু পুখুৰীটোৰ সংৰক্ষণ, সংবৰ্দ্ধনৰ ক্ষেত্ৰত প্ৰশাসন-পুৰাতত্ত্ব বিভাগৰ উদাসীনতা অকৰ্মণ্যতাৰ বাবে পুখুৰীটোৰ অস্তিত্ব বৰ্তমান সংকটত ।

ইতিহাস প্ৰসিদ্ধ পুখুৰীটোক লৈ সংশ্লিষ্ট পক্ষৰ নিৰৱ ভূমিকাৰ বাবেই সম্প্ৰতি প্ৰৱল বৰষুণৰ ফলত পুখুৰীটোৰ দক্ষিণপাৰৰ এটা অংশ ফোপোলা হৈ পৰাৰ লগতে তলেদি পানী বিৰিঙিবলৈ আৰম্ভ কৰিছে ৷

আৰু পঢ়কঃ অব্যাহত আছে চলা গ্ৰাম্য অভয়াৰণ্য সংৰক্ষণ কাৰ্যসূচী

অতি জৰাজীৰ্ণ হৈ পৰা অংশটো এজাক বৰষুণতে ভাঙি পৰাৰ সম্ভাৱনা প্ৰকট হৈ পৰিছে ৷ স্মৰ্তব্য যে আজিৰ পৰা এটা দশকৰ পূৰ্বে পুখুৰীটোৰ দক্ষিণপাৰৰ এটা অংশ ভাঙি পৰাৰ ফলত পুখুৰীটোৰ বৃহৎ জলৰাশি বাহিৰলৈ ওলাই অহাৰ লগতে পুখুৰীটোৰ মাছ, কাছও বাহিৰলৈ ওলাই গৈছিল ৷

সেই সময়ত চৰকাৰ, প্ৰশাসন, পুৰাতত্ত্ব বিভাগে যুদ্ধকালীন তৎপৰতাৰে পাৰটো মেৰামতি কৰিছিল যদিও আশে পাশে থকা আন জৰাজীৰ্ণ অংশ সমূহ মেৰামতিৰ কোনো ব্যৱস্থা নকৰিলে ৷

যাৰ বাবে বিভাগীয় অনীহাৰ বাবেই যিকোনো মুহুৰ্ততে ঐতিহাসিক পুখুৰীটোৰ এই অংশটো ভাঙি পৰাৰ আশংকা স্পষ্ট হৈ পৰিছে।শিৱসাগৰ জিলাৰ উপায়ুক্ত বিষ্ণু কমল বৰাই পুখুৰীৰ পাৰ পৰিদৰ্শন কৰি অনতিপলমে মেৰামতিৰ আশ্বাস দিয়ে।

Subscribe to EastMojo Assam

Enter your email address to receive notifications of new stories by email.

Join 5,283 other subscribers

Leave a comment

Leave a Reply